Le 12:29 - Sơ̆p Hlabơar Nơ̆r 'Bok Kei-Dei

²⁹ Kơplah tŏk-bŏk măng Kră Yang pơlôch đĭ lu kon kơdră drŏ-nglo dêh Êyiptơ, iŏk đơ̆ng kon kơdră pơtao Pharaôn oei 'bơ̆t tang-dŏ truh tơ kon kơdră đe rôp pơm bơnă kon pơlei hmă păng đĭ-đăng lu kon sem dơrong tuh blŭng-a.

Le 12:29 ပူးပေါင်းရင်းမြစ်များ

Bl 15:14

Mă-lei inh gô phak char mă adrĕch adrung ih pơm đĭch noh, đơ̆ng noh, kơplah iĕm lĕch hlôi, lu iĕm gô đei tơmam lơ tơpă.

Jop 34:20

Ưh kơ tam băt tŏk-bŏk măng, lu sư lôch hloi. Lu sư pơpơ̆ na lôch. Lu bơngai yŏng pơgơ̆r kư̆m lôch, ưh kơ đei đơ̆ng ti kon bơngai ôh.

Horiso 105:36

Sư pơlôch đĭ lu kon kơdră lăm char noh. Wă khan đĭ kơ lu plei blŭng-a. Đĭ lu pran kơtang.

Horiso 135:8

Sư pơlôch lu kon kơdră bơngai Êyiptơ, Đơ̆ng kon kơdră kon bơngai truh tơ kon sem dơrong.

Horiso 136:10

Sư pơlôch lê̆ boih lu kon kơdră bơngai Êyiptơ, Tơdrong 'mêm Sư oei oei ling-lang,

Horiso 78:50

Sư pơih trong kơ tơdrong hil Sư. Ưh pă ăn kơ bơhngol lu sư klaih kơ lôch. Na jao ăn tơdrong arih lu sư lôch kơ jĭ hơpoh;

Horiso 78:51

Sư pơlôch đĭ lu kon kơdră lăm char Êyiptơ, Wă khan lu pran kơtang tơpŭ blŭng-a lăm kơđông bơsŭn Cham.

Le 11:1

Kră Yang khan kơ Môis: Inh gô ăn tơdrong truh dơ̆ng kơ Pharaôn păng dêh Êyiptơ; đơ̆ng noh sư gô achăng lê̆ lu iĕm năm. Mưh sư ăn kơ lu iĕm năm, sư kư̆m gô pơpuh lu iĕm lĕch đĭ đơ̆ng anih 'nâu.

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Le 12:28

Kon pơlei Isơrael pơm kiơ̆ thoi nơ̆r Kră Yang tơtă boih kơ Môis păng Arôn.

Le 13:15

yua kơ kơplah Pharaôn arăng kơ̆l ưh kơ ăn kơ lu nhôn năm, Kră Yang pơlôch đĭ hloi lu kon kơdră lăm dêh Êyiptơ, đơ̆ng kon kơdră drŏ-nglo kon bơngai truh tơ kon sem dơrong tuh blŭng-a, yua tơdrong noh, inh pơyơ̆r ăn Kră Yang dôm kon sem dơrong tơno tuh blŭng-a păng inh huai iŏk kon kơdră kon drŏ-nglo inh.

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 9:6

Lăp truh năr dơning, na Kră Yang pơm tơdrong 'noh; đĭ-đăng sem dơrong lu bơngai Êyiptơ lôch ngăl; mă-lei lu sem dơrong lu bơngai Isơrael ưh kơ đei lôch minh pôm.

Êsai 24:22

Đe akŭm lu sư lăm sơlŭng păng chĭt lu sư nhen bơnă lăm hnam phak, đunh năr đe gô phak pơmat lu sư.

Êsai 41:11

'Nâu lu bơngai mă hil kơ iĕm, lu sư gô mơlâu păng hlơ̆l. Lu bơngai iung blah iĕm lu sư gô răm păng lôch hiong.

Êsai 51:14

Bơngai bơnă đe gô tơlĕch, gô ưh kơ đei lôch lăm hnam phak, păng kư̆m ưh kơ đei kơ'bah tơmam sa.

Je 38:13

Na lu sư dui hơtŏk Jêrêmi đơ̆ng lăm sơlŭng; na Jêrêmi oei chĭt lăm cham anih lu linh gak.

Je 38:6

Lei lu sư rôp Jêrêmi tah lê̆ lăm sơlŭng đak Malkija kon drŏ-nglo pơtao, sơlŭng 'nâu lăm anih cham linh gak, lu sư tơjur Jêrêmi hăm tơlei giĕn, sơlŭng âu ưh pă đei đak boih, oei đei hlŭt đĕch, na Jêrêmi đom jrŭ lăm hlŭt noh.

Habakuk 3:5

Tơdrong jĭ hơbuh răm năm adrol kơ Sư, 'Brơ̆m ŭnh lĕch đơ̆ng jơ̆ng Sư.

Sa 9:11

“Gah ih kư̆m lei-lăi, yua kơ đơ̆ng pham tơdrong Inh pơgơ̆p hăm ih, na Inh gô pơklaih lu bơnă đơ̆ng sơlŭng mă ưh kơ đei đak.

Jo 3:13

yua kơ đĭ-đăng lu kon kơdră noh gah Inh ngăl. Sơ̆ kơplah Inh pơlôch pơrăm lu kon kơdră lăm char Êyiptơ, Inh rơih 'măn lê̆ kơ Inh lu kon kơdră lăm Isơrael, mă khan noh kon bơngai dah kon sem dơrong, lu sư gah Inh đĭ-đăng; Inh boih Kră Yang.

Jo 33:4

Bơngai Êyiptơ oei 'bŭ kon lu sư mă đơ̆ng Kră Yang pơlôch, đĭ-đăng kon kơdră: Kră Yang phak lu yang lu sư.

Jo 8:17

Yua kơ đĭ-đăng kon kơdră mă tơpŭ blŭng-a, mă kon bơngai dah kon sem dơrong kơdră Inh iŏk 'măn lê̆ gah Inh kơdih boih, kơplah lăm năr Inh pơlôch pơrăm lu kon kơdră bơngai Êyiptơ lăm char sư sơ̆.

Hêbrơ 11:28

Sư đei đon lui tơpă, na sư gơh pơjing giĕng mă đe anăn Giĕng Năm Brih kiơ̆ thoi 'Bok Kei-Dei pơkă. Sư athei lu bơngai Isơrael pik pham bơbe, pham triu tơ 'măng hnam lu sư wă kơ 'bok mă chă pơlôch kon kơdră lu bơngai Êyiptơ 'bôh, na huay pơlôch hơwơ̆l kon lu sư.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.