Le 12:17 - Sơ̆p Hlabơar Nơ̆r 'Bok Kei-Dei

¹⁷ Wă kơ lu iĕm athei wei pơm giĕng sa 'bĕng ưh kơ đei 'buih pông, yua kơ năr âu mơ̆n Inh chông lu iĕm lĕch đơ̆ng dêh Êyiptơ; yua kơ thoi noh na lu iĕm athei wei răk năr 'nâu truh rim jơhnơr thoi minh tơdrong tơtă ling-lang hlŏng hloi.

Le 12:17 ပူးပေါင်းရင်းမြစ်များ

Le 12:14

Lu iĕm athei chih răk năr âu wă kơ iĕm 'blŏk ling-lang; truh tơ rim jơhnơr athei wei pơm giĕng ăn kơ Kră Yang, wă khan minh tơdrong giĕng pơjing tơtă ling-lang.

Le 12:24

Iĕm athei bơwei tơdrong giĕng 'nâu thoi lĕ tơdrong juăt tơtă ling-lang ăn kơ lu iĕm păng kon sâu lu iĕm.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 12:6

Đơ̆ng noh lu iĕm rong lê̆ truh năr mơjĭt-puăn khei 'nâu; na đĭ-đăng lu bơngai Isơrael athei rôp ba 'bet pơlôch til kơsơ̆ măng.

Le 13:10

Rim sơnăm, truh bơyan, iĕm athei bơwei nơ̆r tơtă tơdrong 'nâu ling-lang.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 13:8

Lăm năr noh athei roi ăn kơ kon drŏ-nglo iĕm, bơ̆n pơm tơdrong 'noh yua kơ Kră Yang pơm 'lơ̆ng kơ inh, kơplah inh lĕch đơ̆ng dêh Êyiptơ.

Le 34:18

Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Le 6:26

'Nâu boih adrĕch, Arôn păng Môis, wă khan bơngai mă Kră Yang bơtho khan: Athei chông anhăk kon pơlei Isơrael lĕch đơ̆ng dêh Êyiptơ.

Le 7:5

Layơ mă Inh pơm kơ dêh Êyiptơ păng dui iŏk kon pơlei Isơrael lĕch đơ̆ng lăm kon pơlei Êyiptơ, lei lu sư gô băt kơ Inh boih Kră Yang.

Jo 20:16

Lu nhôn đei krao apinh Kră Yang; sư kơtơ̆ng boih nơ̆r lu nhôn krao khan, na ăn hloi đei minh 'nu linh jang chông tơlĕch nhôn đơ̆ng dêh char Êyiptơ. 'Nâu, dang ei lu nhôn oei lăm pơlei Kades, noh jĭ minh pôm pơlei oei jih sơlam char iĕm.

Both 16:3

Năr giĕng Năm Brih 'nĕ kơ sa 'bĕng hrâu hăm 'buih pông; lăm tơpơh năr iĕm gô sa 'bĕng ưh kơ đei 'buih pông, wă khan 'bĕng pơmat-tat, wă kơ iĕm 'blŏk kơ năr iĕm lĕch hlôi đơ̆ng dêh Êyiptơ hăt hot.