Le 12:11 - Sơ̆p Hlabơar Nơ̆r 'Bok Kei-Dei

¹¹ Lei iĕm sa 'nhĕm noh thoi âu: Gơhret tơlei tơ̆n mă kơjăp, jơ̆ng 'bot chơkhŏ, ti chĕp 'long jra, sa hăt hot; 'noh wă khan năr giĕng Kră Yang Năm Brih.

Le 12:11 ပူးပေါင်းရင်းမြစ်များ

II Pot 23:21

Na pơtao Jôsia tơtă athei đĭ-đăng lu kon pơlei: “Iĕm athei 'blŏk hơdơ̆r kơ năr giĕng Năm Brih kơ Kră Yang lu iĕm, kiơ̆ thoi dôm nơ̆r đei chih lăm sơ̆p hla bơar Kră Yang pơgơ̆p pơkă 'nâu.”

Le 12:13

Pham pik wă kơnăl tơ hnam lu iĕm oei, tơdah Inh 'bôh pham 'noh, lei gô năm yoh, ưh kơ đei tơdrong jĭ apoh truh pơrăm lu iĕm. Kơplah Inh pơrăm dêh Êyiptơ.

Le 12:21

Đơ̆ng noh, Môis krao akŭm lu kră bơngai Isơrael na khan kơ lu sư. “Năm bĕ rôp minh pôm triu kon đơ̆ng lăm khŭl kiơ̆ kơ hnam dơnŏ lu iĕm păng pơlôch sư pơm giĕng Năm Brih.

Le 12:27

Iĕm athei tơl khan: ‘'Noh wă khan tơdrong pơm giĕng Năm Brih đơ̆ng Kră Yang, kơplah Kră Yang pơrăm lu bơngai Êyiptơ na Kră Yang năm brih rim hnam kon pơlei Isơrael păng pơklaih hnam lu bơ̆n tơpă.’ ” Lăp kon pơlei kơtơ̆ng na kŭp kơ̆l drap kơkuh.

Le 12:43

Kră Yang khan kơ Môis păng Arôn: 'Nâu boih tơdrong juăt gah giĕng Năm Brih: Bơngai tơmoi ưh kơ gơh sa giĕng noh ôh.

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Êsêkiên 45:21

Lăm năr mơjĭt-puăn khei mônh, lu iĕm gô 'blŏk hơdơ̆r pơm Phĕt Năm Brih lăm tơpơh năr; lăm lu năr noh sa 'bĕng ưh kơ đei 'buh pông.

Lêwi 23:5

Truh năr mơjĭt-puăn khei mônh, kơplah til kơsơ̆ măng noh năr giĕng Năm Brih Kră Yang.a

Jo 28:16

Năr mơjĭt-puăn khei mônh, athei pơm giĕng năm brih kơ Kră Yang.

Jo 9:1

Kră Yang pơma hăm Môis tơ char glă Sinai: Lăm khei mă mônh, sơnăm mă 'bar, đang kơ lu sư lĕch đơ̆ng dêh char Êyiptơ.

Luka 12:35

“Iĕm athei kơchăng ling-lang thoi lĕ bơngai oei chang gô đe truh kơmăng. Sư đĭ hrŭk hơmet hơbĕn ao boih. Ŭnh kơđeng sư oei khơ̆ng.

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

Luka 2:41

Rim sơnăm trŏ kơ năr giĕng mă đe anăn Giĕng Năm Brih na bre mĕ 'bă Yêsu juăt kơ năm tơ Pơlei Jêrusalem.

Luka 7:38

Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

I Kor 5:7

Iĕm athei hŭt đĭ tơdrong yoch wă kơ jing thoi 'bĕng tơpŭng 'nao tam mă pơjrâu 'buih, yua kơ 'Bok Kei-Dei pơklaih đĭ boih tơdrong yoch iĕm. Yêsu Sư thoi triu đe 'bet sa pơm Giĕng Năm Brih wă 'blŏk hơdơ̆r kơ tơdrong 'Bok Kei-Dei pơklaih đơ̆ng dêh Êyiptơ, na Yêsu boih pơklaih bơ̆n.

Êphêsô 6:15

Jơ̆ng bơ̆n trô̆ chơkhŏ; noh wă pơtih gia kơ jơ̆ng bơ̆n pơnam kơ nơnăm chă ră roi kơ đe tơdrong 'lơ̆ng, tơdrong hiôk.

Both 16:1

Iĕm athei 'blŏk kơ khei 'ba huăt, pơm giĕng Năm Brih kơ Kră Yang 'Bok Kei-Dei iĕm; yua kơ lăm khei trŏ kơ 'ba huăt,a Kră Yang 'Bok Kei-Dei iĕm chông anhăk iĕm lĕch đơ̆ng dêh Êyiptơ kơmăng.

Jôsuê 5:10

Kon pơlei Isơrael pơm anih tơ Gilgal lăm Thŭng dơnă pơlei Jêrikô păng pơm giĕng Năm Brih kơplah drơ̆m kơsơ̆, trŏ kơ năr mơjĭt-puăn khei noh.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.