Le 10:20 - Sơ̆p Hlabơar Nơ̆r 'Bok Kei-Dei

²⁰ Mă-lei Kră Yang pơm ăn kơ Pharaôn oei arăng kơ̆l, sư kư̆m ưh kơchăng lê̆ ăn kon pơlei Isơrael năm ôh.

Le 10:20 ပူးပေါင်းရင်းမြစ်များ

Le 10:1

Kră Yang khan kơ Môis, năm bĕ tơ Pharaôn yua kơ Inh pơm kơ sư păng lu bơngai bơ̆jang kơ sư đei jơhngơ̆m arăng, wă kơ Inh pơm tơ'bôh dôm tơdrong mơsêh Inh tơ lăm lu sư,

Le 10:19

Kră Yang ăn kial đơ̆ng gah bơmơ̆t truh tih tơpă, dơhlu anhăk lep tơhuŏng lê̆ tơ đak dơsĭ 'brê; jơ̆p kơ anih lăm dêh Êyiptơ ưh pă đei minh pôm lep ayơ dơ̆ng.

Le 10:27

Mă-lei Kră Yang pơm kơ Pharaôn arăng kơ̆l, na sư ưh kơ chu ăn ôh kon pơlei Isơrael năm.

Le 11:10

Môis păng Arôn pơm tơdrong mơsêh 'nâu 'bơ̆t anăp Pharaôn; mă-lei yua kơ Kră Yang pơm kơ Pharaôn arăng kơ̆l, na sư ưh achăng lê̆ kon pơlei Isơrael năm lĕch đơ̆ng dêh sư.

Le 3:19

Tơpă, Inh băt mă đơ̆ng iĕm iŏk jơhngơ̆m apinh pơgŏ pơtao Êyiptơ, sư kư̆m ưh kơ ăn iĕm năm!

Le 4:21

Kră Yang khan kơ Môis: Mưh wih tơ dêh Êyiptơ, kơchăng kơ tơdrong mơsêh hlĭch Inh đei pơjao 'bơ̆t ti ih mă ih pơm 'bơ̆t anăp Pharaôn; mă-lei Inh gô pơm ăn kơ sư arăng kơ̆l ưh kơ ăn kon pơlei năm.

Le 9:12

Kră Yang pơm kơ Pharaôn, arăng kơ̆l ưh kơ chu mơ̆ng Môis păng Arôn. Trŏ thoi nơ̆r Kră Yang khan bơih kơ Môis.

Rom 9:18

'Noh bơ̆n băt kơ 'Bok Kei-Dei Sư wă 'mêm kơ bu gô mơ̆ng kơ Sư wă đĕch. Na tơdrong Sư wă ăn kơ đe arăng kơ̆l kư̆m lei-lăi, gô mơ̆ng kơ Sư wă.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.