Jôsuê 8:35 - Sơ̆p Hlabơar Nơ̆r 'Bok Kei-Dei

³⁵ Ưh kơ đei nơ̆r ayơ Môis đei bơtho khan, mă Jôsuê ưh kơ đŏk ưh kơ roi tơbăt ăn kơ bơngai Isơrael, mă drŏ-kăn, hơ'lơ̆p păng mă tơmoi oei hơdai lu sư.

Jôsuê 8:35 ပူးပေါင်းရင်းမြစ်များ

Esơra 10:1

Lăm kơplah Esơra krao khan tơbral, nhơ̆m hmoi, roi tơbral yoch păng drap 'bơ̆t anăp hnam akŭm, na đei minh tơpôl kon pơlei Isơrael, bơngai drŏ-kăn drŏ-nglo hơ'lơ̆p lơ dêh, akŭm tăp dăr kơ sư; lu sư kư̆m nhơ̆m hmoi ơh ol.

Ne 8:2

Năr mă mônh khei tơpơh, Esơra 'bok soi chĕp ba sơ̆p hla bơar khôi juăt truh 'bơ̆t anăp kon pơlei, drŏ-nglo păng drŏ-kăn hăm đĭ-đăng lu bơngai mơ̆ng păng hlôh.

Ne 8:3

Sư dơ̆ng tơ kơphô̆ 'bơ̆t anăp 'măng jang Đak, đŏk lăm sơ̆p hla bơar ei đơ̆ng pơgê hrôih truh tơ 'năr dơ̆ng, đei lu drŏ-nglo păng drŏ-kăn hăm đĭ lu bơngai mơ̆ng gơh hlôh. Đĭ-đăng kon pơlei pơla mơ̆ng đŏk sơ̆p hla bơar khôi juăt.

Le 12:38

Kŭm đei lơ adrĕch adrung nai năm hơdai, hăm lu sư kư̆m đei chông ba lơ kon triu, rơmo păng sem dơrong.

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Jôel 2:16

Krao akŭm bĕ kon pơlei pơla, pơm rơgoh bĕ lu khŭl bơngai akŭm. Athei krao lu kră pơlei năm tơ noh, athei akŭm lu hơ'lơ̆p, păng lu nge mă oei mŏm! Ăn klo hle sư lĕch bĕ đơ̆ng anih 'bĭch sư, păng ăn akăn hơlai 'nao sư lĕch bĕ đơ̆ng anih sư.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Markôs 10:14

Lăp Yêsu 'bôh lu bơngai pơhrăm păng Sư pơm thoi noh, Sư hil păng khan: “Lê̆ lu hơ'lơ̆p năm tơ Inh, 'nĕ pă khă lu sư, yua kơ bơngai bu lui thoi lu hơ'lơ̆p âu lui, bơngai 'noh 'Bok Kei-Dei pơgơ̆r wei-lăng sư ling-lang.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Both 29:10

Năr 'nâu đĭ-đăng kơ lu iĕm oei dơ̆ng 'bơ̆t anăp Kră Yang đei lu yŏng kơdră lăm adrĕch, lu kră pơlei, lu yŏng pơgơ̆r linh păng đĭ-đăng lu drŏ-nglo bơngai Isơrael.

Both 29:11

Lu kon hơ'lơ̆p păng lu akăn iĕm, hăm lu bơngai tơmoi oei lăm kơđông, lu bơngai kăl 'long ŭnh truh tơ lu bơngai chhŏ đak.

Both 29:9

Lu iĕm athei kơchăng wei răk pơm kiơ̆ dôm nơ̆r tơdrong pơgơ̆p pơkă 'nâu, wă kơ lu iĕm gơh đei jing lăm tôm tơdrong jang iĕm pơm.

Both 31:12

Iĕm athei krao akŭm bĕ đĭ lu kon pơlei, drŏ-nglo drŏ-kăn, lu hơ'lơ̆p păng lu bơngai tơmoi mă oei lăm pơlei iĕm, wă kơ lu sư dai mơ̆ng, pơhrăm băt hli yom kơ Kră Yang 'Bok Kei-Dei iĕm păng kơchăng pơm kiơ̆ dôm lu nơ̆r đơ̆ng lăm khôi juăt 'nâu.

Both 4:2

Lu iĕm 'nĕ kơ thim kiơ păng kư̆m 'nĕ kơ hŭt lê̆ kiơ dôm nơ̆r inh wă khan kơ iĕm, mă-lei athei wei răk dôm nơ̆r tơtă đơ̆ng Kră Yang 'Bok Kei-Dei lu iĕm, nơ̆r tơtă mă inh wă bơtho kơ lu iĕm.