Jôsuê 8:33 - Sơ̆p Hlabơar Nơ̆r 'Bok Kei-Dei

³³ Đĭ-đăng bơngai Isơrael, kon pơlei hăm lu bơngai tơmoi, hơdai hăm lu kră pơlei, lu kră pơgơ̆r, lu kră sek tơlang, dơ̆ng 'bar pah kơ Hom Pơgơ̆p Kră Yang 'bơ̆t anăp lu bơngai tung Hom tơdrong pơgơ̆p noh lu 'bok soi bơngai Lêwi, minh puăt kon pơlei dơ̆ng gah anăp kơ Kông Gêrasim, minh puăt gah anăp Kông Êbal kiơ̆ thoi Môis, đĭch đam Kră Yang, đei tơtă boih adrol sơ̆ kơplah sư sơkat ăn pŭn hiôk kơ kon pơlei Isơrael.

Jôsuê 8:33 ပူးပေါင်းရင်းမြစ်များ

Le 12:49

Kŭm đei lei-lăi minh tơdrong juăt ăn lu bơngai tơpŭ lăm dêh iĕm hăm bơngai tơmoi ayơ truh oei hơdai hăm lu iĕm.

Lêwi 24:22

Mă bơngai tơmoi lăm pơlei pơla kơdih kư̆m gô yua minh tơdrong juăt đĕch; yua kơ Inh boih Kră Yang 'Bok Kei-Dei lu iĕm.

Jo 15:15

Đĭ-đăng lăm tơpôl akŭm đei lăp minh khôi juăt 'nâu đĕch ăn kơ lu iĕm păng lu bơngai tơmoi mă oei hơdai iĕm. 'Nâu boih minh tơdrong juăt pơkă ling-lang kơ adrĕch adrung lu iĕm 'bơ̆t anăp Kră Yang; bơngai tơmoi kư̆m lei-lăi thoi lu iĕm mơ̆n.

Jo 15:16

Gô đei minh khôi juăt păng tơdrong juăt lei-lăi ăn kơ lu iĕm păng kơ lu bơngai tơmoi mă oei hơdai iĕm.

Jo 15:29

Khôi juăt 'nâu yua kơ rim 'nu bơngai hơch 'bơm kơ pơm yoch mă tơdah glăi 'bơm pơm yoch, kư̆m gô pơm lei-lăi minh pôm khôi juăt kơ lu iĕm bơngai Isơrael dah lu bơngai tơmoi mă tơpŭ lăm char âu.

Yo 4:20

Lu yă 'bok nhôn sơ̆ khan trŏ kơ kơkuh kơ 'Bok Kei-Dei tơ kông âu. Mă gah iĕm khan athei đe năm kơkuh kơ 'Bok Kei-Dei tơ Pơlei Jêrusalem đĕch trŏ.”

Both 11:29

Kơplah Kră Yang 'Bok Kei-Dei chông ba iĕm mơ̆t iŏk dêh đêl pơkă na sơkat pŭn hiôk tơ kơpal kông Gêrasim păng tơdrong hiap pơtê̆ tơ kơpal kông Êbal.

Both 31:12

Iĕm athei krao akŭm bĕ đĭ lu kon pơlei, drŏ-nglo drŏ-kăn, lu hơ'lơ̆p păng lu bơngai tơmoi mă oei lăm pơlei iĕm, wă kơ lu sư dai mơ̆ng, pơhrăm băt hli yom kơ Kră Yang 'Bok Kei-Dei iĕm păng kơchăng pơm kiơ̆ dôm lu nơ̆r đơ̆ng lăm khôi juăt 'nâu.

Both 31:25

Na Môis athei lu bơngai Lêwi tung Hom Tơdrong Pơgơ̆p Kră Yang;

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Jôsuê 23:2

Jôsuê krao akŭm đĭ-đăng lu kră pơlei Isơrael, lu kră pơgơ̆r, lu kră sek tơlang păng lu yŏng pơgơ̆r linh na khan: Inh đĭ kră boih, arih sot, sơnăm đĭ lơ.

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.

Jôsuê 3:14

Lăp kon pơlei yuih bơsŭn lu sư wă yak tŏk găn đak Krong Jôrđăn, lu 'bok soi tung Hom Pơgơ̆p Kră Yang năm adrol kơ kon pơlei.

Jôsuê 3:3

Pơkă kơ kon pơlei: Tơdah lu iĕm 'bôh lu 'bok soi, adrĕch Lêwi tung Hom tơdrong pơgơ̆p Kră Yang 'Bok Kei-Dei lu iĕm, iĕm athei iung weh đơ̆ng anih iĕm oei kiơ̆ đơ̆ng rŏng.

Jôsuê 3:6

Jôsuê khan lu 'bok soi: Lu iĕm athei tung Hom Pơgơ̆p Kră Yang năm adrol kơ lu kon pơlei. Lei na lu 'bok soi tung hom tơdrong pơgơ̆p Kră Yang yak adrol kơ kon pơlei.

Jôsuê 4:10

Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

Jôsuê 4:18

Lu 'bok soi tung Hom Pơgơ̆p Kră Yang tŏk hlôi kơ đak krong jơ̆ng lu sư hiŏng 'nao wă juă tơ kông anih hrĕng, na đak krong Jôrđăn 'blip tơ'bưh dang đêl, ro 'bĕnh thoi so.

Jôsuê 6:6

Thoi noh Jôsuê kon drŏ-nglo Nun, krao lu 'bok soi na khan: Tung bĕ Hom Pơgơ̆p păng tơpơh 'nu 'bok soi năm adrol kơ Hom Pơgơ̆p Kră Yang, chĕp tơpơh tŏ tơgiĕp.