Jôsuê 8:31 - Sơ̆p Hlabơar Nơ̆r 'Bok Kei-Dei

³¹ Kiơ̆ thoi Môis, đĭch đam Kră Yang, đei bơtho pơkă boih kơ kon pơlei Isơrael, Jôsuê man pơdơ̆ng chơnang soi noh kiơ̆ trŏ thoi đei chih lăm sơ̆p hla bơar khôi juăt Môis pơkă man hăm minh pôm tơmo tih, ưh kơ yua hăm bơsei ôh, lu sư pơyơ̆r tơmam soi 'buh kơ Kră Yang păng pơyơ̆r tơmam soi apinh hiôk-hian tơ noh.

Jôsuê 8:31 ပူးပေါင်းရင်းမြစ်များ

II Pot 14:6

Mă-lei sư ưh kơ pơlôch ôh lu kon, bơngai pơlôch đe noh, kiơ̆ thoi nơ̆r mă đe đei chih bơih tơ lăm sơ̆p hla bơar tơdrong juăt Môis: “Lăm tơdrong Kră Yang đei tơtă bơih, đe ưh kơ pơlôch mĕ 'bă yua kơ kon yoch, kư̆m ưh kơ pơlôch kon yua kơ mĕ 'bă pơm yoch; rim 'nu đe gô pơlôch yua kơ tơdrong yoch sư kơdih.

II Pot 22:8

Hilkia, 'bok soi tơm, sư khan kơ Saphan bơngai chih hla bơar: “Inh chă 'bôh bơih Sơ̆p hla bơar khôi juăt đơ̆ng lăm Hnam akŭm kơkuh kơ Kră Yang.” Hilkia ăn kơ Saphan sơ̆p hla bơar noh, na Saphan iŏk đŏk lăng.

II Ho 25:4

Mă-lei sư ưh kơ pơlôch ôh kon drŏ-nglo đe noh, kiơ̆ thoi đei chih lăm sơ̆p hla bơar khôi juăt Môis. Lăm khôi juăt Kră Yang đei khan: “'Bă huay kơ lôch yua kơ kon, kon huay kơ lôch yua kơ đơ̆ng 'bă pơm yoch; mă-lei rim 'nu gô lôch yua kơ tơdrong yoch Sư kơdih.”

II Ho 35:12

Lu sư 'măn lê̆ lu tơmam soi 'buh phara, wă klah asong ăn kơ kon pơlei, kiơ̆ kơ khŭl adrĕch, 'bă lu sư wă soi pơyơ̆r ăn kơ Kră Yang kiơ̆ thoi đei chih boih lăm sơ̆p hla bơar Môis: Lu sư kư̆m yua lu rơmo pơm 'nhĕm sa lei-lăi mơ̆n.

Esơra 6:18

Lu 'bok soi păng lu bơngai Lêwi kiơ̆ kơ khŭl lu sư klah asong wă bơ̆jang kơ Kră Yang 'Bok Kei-Dei tơ Pơlei Jêrusalem, kiơ̆ thoi lăm sơ̆p hla bơar Môis đei chih.

Ne 13:1

Lăm năr noh, đe đŏk lăng lăm sơ̆p hla bơar Môis đei ăn kơ kon pơlei mơ̆ng; lăm noh đei chih roi kơ bơngai Ammôn păng bơngai Môap ưh kơ gơh mơ̆t akŭm ôh lăm hnam akŭm Kră Yang 'Bok Kei-Dei.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Le 24:5

Sư wơh lu tơdăm Isơrael năm pơyơ̆r tơmam soi 'buh păng tơmam soi 'blŏk bơnê kơ Kră Yang hăm rơmo dăm.

Mathiơ 12:26

Thoi noh dah yŏng pơgơ̆r yang kơnê̆ tơblah tơduă yang kơnê̆, dôm tơdrong sư pơgơ̆r gô hiong tôch.

Both 27:2

Lăm năr iĕm tŏk hlôi kơ đak Krong Jôrđăn wă mơ̆t tơ dêh mă Kră Yang 'Bok Kei-Dei iĕm ăn kơ lu iĕm, na iĕm athei pơdơ̆ng lu tơmo tih păng bah chŭr tơ tơmo noh.

Both 27:8

Iĕm athei chih tơ tơmo đĭ dôm lu nơ̆r khôi juăt 'nâu, chih mă rơđah tơpă.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.