Jôsuê 24:20 - Sơ̆p Hlabơar Nơ̆r 'Bok Kei-Dei

²⁰ Tơdah lu iĕm achăng lê̆ Kră Yang, na kơkuh kơ yang tơmoi, kơplah noh Sư gô wih pơlôch pơrăm pơgoh lu iĕm, đang kơ Sư pơm 'lơ̆ng boih kơ lu iĕm đei truh tơ năr 'nâu.”

Jôsuê 24:20 ပူးပေါင်းရင်းမြစ်များ

I Ho 28:8

Na dang ei, 'bơ̆t anăp đĭ-đăng bơngai Isơrael kon pơlei Kră Yang păng đei Kră Yang 'Bok Kei-Dei lu bơ̆n mơ̆ng, lu iĕm wei răk bĕ dôm khôi juăt nơ̆r tơtă Kră Yang 'Bok Kei-Dei lu iĕm lei na lu iĕm gơh đei iŏk dêh char 'lơ̆ng rŏ 'nâu păng 'măn ăn kơ kon sâu đơ̆ng rŏng bơ̆jang sa ling-lang.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Esơra 8:22

Mă-lei inh, mơlâu, ưh kơ pơ̆n apinh pơtao ăn minh grŭp linh păng linh hao seh, dŏng tơgŭm lu bơ̆n đơ̆ng ayăt kơplah lu bơ̆n năm rok trong; yua kơ lu bơ̆n đei khan kơ pơtao thoi âu: Ti Kră Yang 'Bok Kei-Dei lu nhôn wei-lăng tơgŭm lu bơngai băt krao chă Sư; mă-lei tơdrong mơsêh păng tơdrong hil mĭl Sư blah lu bơngai bu mă blah Sư.

Horiso 89:31

Tơdah lu sư ưh kơ chu kiơ̆ tơdrong juăt Inh, ưh kơ wei nơ̆r Inh tơtă,

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.

Both 4:25

Mưh lu iĕm đei kon sâu păng oei tơ dêh noh đunh boih, tơdah lu iĕm pơm yoch kơnê̆ pơrăm akâu kơdih thoi pơm kơ rup yang dah rup sem brem kiơ, mă pơm tơdrong kơnê̆ kiơ 'bơ̆t anăp Kră Yang 'Bok Kei-Dei lu iĕm wă pơm kơ Sư blĕk.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Hêbrơ 10:38

Lu bơngai 'lơ̆ng tơpăt kiơ̆ Inh, lu sư gô đei tơdrong arih, yua kơ lu sư đei đon lui. Mă-lei dah bơngai bu lêl kơdŭn tơ rŏng kuă kơ kiơ̆ Inh khŏm khŏm, bơngai noh Inh ưh kơ lăp đon kơ sư ôh.”

Jôsuê 24:21

Mă-lei kon pơlei oei khan kơ Jôsuê: Ưh ôh, lu nhôn gô chu yom kơ Kră Yang.

I Sam 12:15

Mă-lei tơdah lu iĕm ưh kơ chu kiơ̆ dôm nơ̆r Kră Yang, ưh kơ chu nơ̆r sư tơtă athei, na ti Kră Yang gô ăn kơ tơdrong răm rai kơ lu iĕm kư̆m thoi sư ăn kơ yă 'bok iĕm sơ̆.

I Sam 12:25

Mă-lei tơdah lu iĕm hrăn oei pơm kơnê̆ ling-lang, lei lu iĕm păng pơtao lu iĕm tơpă gô hiong răm.