Jôsuê 21:39 - Sơ̆p Hlabơar Nơ̆r 'Bok Kei-Dei

³⁹ Hesbôn păng đei tơmăn 'nhĕt; Jaser păng teh jum dăr kơ pơlei đei tơmăn 'nhĕt, đĭ-đăng puăn tŏ pơlei.

Jôsuê 21:39 ပူးပေါင်းရင်းမြစ်များ

I Ho 26:31

Lăm bơngai Hêbrôn đei Jêrija pơm yŏng kơdră lăm adrĕch adrung sư. Lăm sơnăm mă puăn-jĭt lăm chăl Đawit pơgơ̆r đe chă lăng 'bôh lăm bơngai Hêbrôn, đei lu bơngai nuih gơh hơgei lăm pơlei Jaser lăm dêh Gileat.

I Ho 6:81

pơlei Hesbôn Jaser, hăm dơnih 'nhĕt sư.

Je 48:32

Ơ tơm hơmu Sipma! Inh nhơ̆m hmoi kơ ih hloh kơ inh đei nhơ̆m hmoi pơlei Jaser. Dơng ih prơng ataih truh tơ dơsĭ. Dĭng truh tơ pơlei Jaser; bơngai năm pơrăm plei 'long bơyan phang păng plei hơmu ih đum lăm bơyan.

Jo 32:1

Kon sâu Rubên hăm kon sâu Gat đei lơ sem dơrong; 'bôh tơring char Jaser hăm char Gileat jing anih 'lơ̆ng trŏ kơ wei rong rơmo, triu.

Jo 32:3

Pơlei Atarôt, Đibôn, Jaser, Nimra, Hesbôn, Êlêaleh, Sêbam, Nêbô păng pơlei Bêôn.

Jo 32:35

pơlei Atrôt Sôgan, pơlei Jaser, pơlei Jôbêha,

Jo 32:37

Kon sâu Rubên tơiung ming pơlei Hesbôn, Êlêaleh, Kiriathim,

Jôsuê 13:17

truh tơ pơlei Hesbôn păng đĭ-đăng lu pơlei oei tơ lăm char kông groi Đibôn, Bamôt Baal, Bêt Baal Mêôn.

Jôsuê 13:21

đĭ-đăng lu pơlei char teh kơpal kông groi đĭ pơlei tih Sihôn, pơtao Amôrit, bơngai mă đei pơgơ̆r tơ Hesbôn, Môis blah iŏk boih pơtao 'nâu, hăm lu kră pơgơ̆r pơlei char Miđian, noh Êwi, Rêkem, Sur, Hur păng Rêba, lu kon pơtao char Sihôn, bơngai mă oei lăm char noh.

Jôsuê 13:25

Teh lu adrĕch Jaser, đĭ-đăng pơlei char Gileat păng minh puăt char kon pơlei Ammôn, truh tơ pơlei Arôe jê̆ pơlei Rapba;

Jôsuê 21:38

Đei iŏk đơ̆ng adrĕch Gat, pơlei Ramôt lăm char Gileat, jing pơm pơlei ôn kơ'nơp kơ lu bơngai bu pơlôch đe hơch 'bơm, Mahanim

Jôsuê 21:40

Akŭm đĭ pơlei đei ăn kơ kon sâu Mêrari kiơ̆ kơ adrĕch adrung lu sư, noh lăm lu adrĕch adrung bơngai Lêwi mă oei đei, đei mơjĭt-'bar tŏ pơlei.