Jôsuê 18:10 - Sơ̆p Hlabơar Nơ̆r 'Bok Kei-Dei

¹⁰ Jôsuê hlang lăng kơ lu sư tơ pơlei Silô, 'bơ̆t anăp Kră Yang; tơ noh Jôsuê klah asong char ăn kơ kon pơlei Isơrael, kiơ̆ kơ adrĕch adrung lu sư.

Jôsuê 18:10 ပူးပေါင်းရင်းမြစ်များ

I Ho 24:5

Đe asong lu sư kiơ̆ kơ đe hlang lăng lei-lăi yua kơ lu sư đei bơngai wei-lăng lăm anih rơgoh păng lu sư bơngai bơ̆jang kơ Kră Yang 'Bok Kei-Dei lăm kon sâu Êlêasar păng kon sâu Ithamar.

Ne 11:1

Lu kră pơgơ̆r kon pơlei tă kơ oei lăm pơlei Jêrusalem: Gah lu kon pơlei nai đe hlang rơih iŏk minh lăm mơjĭt đơ̆ng lu bơngai noh, năm oei tơ pơlei Jêrusalem, pơlei 'lơ̆ng rơgoh păng lu tơsĭn 'nu noh oei tơ pơlei nai;

Horiso 47:4

Sư rơih teh jang sa kơ lu nhôn jơ̆ tơdrong ư-ang Jakôpb mă sư 'mêm. Sêla

Horiso 61:5

Ơ Kră Yang 'Bok Kei-Dei, Ih kơtơ̆ng boih nơ̆r inh pơkă. Ih Jao ăn boih kơ inh mŭk tơmam lu bơngai mă chu yom kơ anăn Ih.

Tơdrông Pơđơk 18:18

Hlang lăng gơh pơtôch tơdrong pơjah. Plah 'bar pah pran huay pă pơjah.

Je 7:12

“Thoi noh, năm bĕ tơ Silô anih Inh oei sơ̆, anih mă Anăn Inh oei blŭng-a na lăng Inh đei pơm kiơ kơ sư boih yua kơ tơdrong kơnê̆ lu bơngai Isơrael Inh;

Êsêkiên 47:22

Lu iĕm athei hlang lăng klah asong teh âu wă jang sa, ăn kơ lu iĕm păng ăn kơ lu bơngai tơmoi mă oei hơdai lu iĕm păng pơjing lu kon sâu tơ lăm lu iĕm. Lu iĕm kư̆m lăng lu sư thoi adrĕch kon sâu Isơrael. Lu sư kư̆m dai gơh đei asong teh jang sa thoi lu iĕm mă oei hơdai lăm adrĕch bơngai Isơrael.

Êsêkiên 48:29

'Nâu boih teh lu iĕm gô hlang lăng asong ăn kơ adrĕch bơngai Isơrael wă jang sa; noh boih teh asong ăn kơ lu sư, Kră Yang khan.

Mi 2:5

Thoi noh lăm khŭl Kră Yang, ưh kơ đei minh 'nu gơh hlang lăng dăng tơlei plaih song băl teh choh sa”

Jo 34:16

Kră Yang khan dơ̆ng kơ Môis thoi âu:

Mathiơ 27:35

'Blă kơ noh lu linh pơ̆ng Sư tơ 'long pơglang. Lu linh ei lu sư pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Jang 13:19

Đơ̆ng hơdrol sơ̆ lu bơngai Isơrael oei chang gô Kră Yang 'Bok Kei-Dei wă ăn kơ lu sư teh đak Kanaan ei dang oei pă puăn-hrĕng pơđăm-jĭt sơnăm 'mơ̆i na truh. Na truh boih puăn-hrĕng pơđăm-jĭt sơnăm, Kră Yang 'Bok Kei-Dei pơlôch pơrăm tơpơh khŭl bơngai ei na teh đak lu đe ei 'Bok Kei-Dei ăn kơ lu bơngai Isơrael. 'Bok Kei-Dei ăn kơ lu sư đei lu kră sek tơlang kơdih sư truh tơ 'bok Samuel, bơngai pơtruh nơ̆r 'Bok Kei-Dei sơ̆.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

Jôsuê 14:2

Đe hlang iŏk klah asong kơ tơsĭn adrĕch minh puăt, kiơ̆ kơ Kră Yang mă Môis đei khan pơkă.

Jôsuê 14:5

Kon pơlei Isơrael pơm kiơ̆ kơ Kră Yang hlôi khan pơkă kơ Môis na klah asong teh, chĕng asong dêh char.

Jôsuê 18:11

Hlang lăng iŏk trŏ kơ adrĕch Bênjamin, kiơ̆ kơ adrĕch adrung lu sư, teh mă klah asong lu sư, oei tŏk-bŏk sơlam lu adrĕch Juđa păng Jôsep.

Jôsuê 18:6

Đang kơ lu iĕm chih roi kơ teh asong lăm tơpơh adrĕch noh, na ba hla bơar noh tơ inh; inh gô hlang lăng ăn kơ lu iĕm tơ âu 'bơ̆t anăp Kră Yang 'Bok Kei-Dei lu bơ̆n.

Jôsuê 18:8

Kơplah lu sư iung yak năm; Jôsuê pơkă kơ lu sư. Lu iĕm athei năm jơ̆p kơ char noh chhơ̆ iŏk rup teh char noh, na wih brŏk tơ inh; inh gô hlang ăn kơ lu iĕm 'bơ̆t anăp Kră Yang tơ pơlei Silô.

Jôsuê 18:9

Thoi noh lu sư năm jơ̆p kơ char, chhơ̆ rup teh đak lăm sơ̆p hla bơar hơkar ră roi kơ rim pơlei lăm char noh mă asong kơ tơpơh adrĕch, na lu sư wih brŏk tơ Jôsuê oei lăm anih tơ pơlei Silô.

Jôsuê 19:51

Noh boih teh char mă 'bok soi Êlêasar, Jôsuê kon drŏ-nglo Nun păng lu kră kơdră kơ adrĕch adrung 'bă lu sư bơngai Isơrael đei klah asong hlang lăng tơ pơlei Silô 'bơ̆t anăp Kră Yang 'bơ̆t 'măng mơ̆t lăm Bơsŭn anih akŭm. Tơdrong lu sư klah asong băl teh char jang sa keh đang thoi noh.

Jôsuê 23:4

Athei 'blŏk bĕ kơ inh đei hlang klah asong ăn kơ lu iĕm teh jang sa mir 'ba kơ rim adrĕch adrung lu iĕm, teh đak mă ưh tam mă đei blah iŏk. Teh đak mă inh đei blah iŏk boih, iŏk đơ̆ng đak Krong Jôrđăn truh tơ đak Dơsĭ Tih, gah măt 'năr mơ̆t.