Jop 9:8 - Sơ̆p Hlabơar Nơ̆r 'Bok Kei-Dei

⁸ Minh 'nu Sư đĕch bơlang plĕnh Păng dơ̆ng juă kơpal đak dơsĭ poh-yă.

Jop 9:8 ပူးပေါင်းရင်းမြစ်များ

Bl 1:1

Blŭng-a Kră Yang 'Bok Kei-Dei pơjing plĕnh păng teh.

I Ho 16:26

Yua kơ đĭ-đăng yang lu kon pơlei chă pơm rup đĕch. Mă-lei Kră Yang pơjing lu tăl plĕnh.

Jop 26:13

Hăm kial dui jơhngơ̆m Sư hơmet ming lu plĕnh, Tơpang ti Kră Yang 'bet hlôh akâu 'bih oei kơdâu klĕnh.

Jop 26:7

Kră Yang bơyar plĕnh tơ gah yă-nơ̆m tơ kơpal anê̆ rơwơ̆ng. Hơtol kơtuăl teh tơ kơpal rơwơ̆ng.

Jop 37:18

Ih hăm gơh lơ̆k bơlang plĕnh tơgŭm hơdai Kră Yang 'Bok Kei-Dei, arăng thoi kơmĭl đe hling?

Jop 38:11

Na khan: “Ih năm truh tôch dâu, ưh pă gơh năm ataih dơ̆ng ôh, Ih poh-yă athei dơ̆ng 'bơ̆t dâu!”

Jop 38:16

Hăm đei layơ ih jur truh tơ tu đak dơsĭ? Dah yak năm tơ jrŭ ala kơđĕl đak dơsĭ?

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Horiso 77:19

Ih yak lăm đak dơsĭ. Trong Ih rok đak dơsĭ jrŭ, mă-lei đêl jơ̆ng Ih ưh kơ đei bu 'bôh.b

Êsai 40:22

Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.

Êsai 42:5

Kră Yang Tơ'ngla pơjing lu plĕnh păng bơlang plĕnh, Sư Tơ'ngla lơ̆k bơlang bơih teh hăm dôm tơmam lĕch đơ̆ng noh. Tơ'ngla ăn kial dui jơhngơ̆m kơ kon bơngai păng ăn tơdrong arih lu bơngai yak năm kơpal teh. 'Nâu Kră Yang 'Bok Kei-Dei khan kơ đam Sư.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 51:13

Iĕm hiơt bơih kơ Kră Yang Tơ'ngla pơjing lu iĕm, Sư bơih bơyar lu tăl plĕnh. Pơjing hơnă teh. Mă-lei rim năr iĕm hrăn hli tơtey ling-lang. Kơ lu bơngai pơjuă pơđep kơplah sư hil wă pơlôch iĕm? Mă-lei dang ei tơdrong lu bơngai hil blĕk pơjuă noh tơ yơ?

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 10:12

Mă-lei Kră Yang boih pơjing teh âu hăm tơdrong mơsêh mơyang Sư; Sư tơiung pơdơ̆ng hăm tơdrong hơgei Sư, bơyar boih plĕnh hăm tơdrong hlôh wao Sư.

Je 51:15

Kră Yang boih Tơ'ngla pơjing kơ teh hăm tơdrong mơsêh mơyang Sư. Sư yua tơdrong hơgei Sư pơjing kơ teh đak kơjăp păng yua tơdrong gơh băt sư bơyar plĕnh.

Sa 12:1

Pŭ iŏk trăp nơ̆r Kră Yang pơma kơ pơlei Jêrusalem. Kră Yang Tơ'ngla pơjing kơ plĕnh păng teh păng ăn tơdrong arih tơ lăm kon bơngai bơ̆n, đei khan thoi âu:

Yo 6:19

Lu sư wơ̆r thŏng-nan ataih dang pơđăm tơdrâu kơsô̆ boih na lu sư 'bôh hloi Yêsu yak kơpal đak dơsĭ năm jê̆ thŏng-nan lu sư. Lu sư hli krê tơpă.