Jop 9:25 - Sơ̆p Hlabơar Nơ̆r 'Bok Kei-Dei

²⁵ Năr chăl arih inh năm hrĕnh hloh kơ bơngai kơdâu năm roi tơbăt, Lu năr chăl arih inh kơdâu ôn bơih ưh kơ đei tơdrong pŭn hiôk.

Jop 9:25 ပူးပေါင်းရင်းမြစ်များ

II Ho 30:6

Thoi noh lu bơngai năm tơbăt tơ jơ̆p kơ dêh char Isơrael păng char Juđa năm ba hla bơar pơtao păng lu yŏng pơgơ̆r sư, kiơ̆ thoi pơtao đei pơkă khan: “Ơ kon sâu adrĕch Isơrael, wih brŏk bĕ tơ Kră Yang 'Bok Kei-Dei Abraham, Isăk păng Isơrael, wă kơ Sư kư̆m wih tơ lu iĕm bơngai mă oei hlot klaih đơ̆ng ti lu pơtao Asiri.

Esther 8:14

Thoi noh lu bơngai năm ba hla bơar noh hao aseh dăm pran kuăng, hăt hot chu kiơ̆ nơ̆r pơtao pơkă athei. Hla bơar noh đe kư̆m đŏk tơbăt kơ kon pơlei lăm pơlei tih Susa.

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Horiso 39:11

Kơplah Ih teh bơtho lu kon bơngai yua kơ tơdrong kơnê̆ lu sư. Na Ih pơm ăn tơdrong lu sư 'maih wă huach thoi bŭk răm. Sĭt tơpă, rim 'nu thoi kial dui jơhngơ̆m. Sêla

Horiso 39:5

To, Ih pơm ăn kơ jơ 'năr inh kơjung lăp tŏ pah đĕch, Păng tơdrong arih thoi hoh-hoy đĕch 'bơ̆t anăp Ih. Sĭt tơpă, rim bơngai mă khan oei kơjăp, Kŭm lăp thoi dui jơhngơ̆m. Sêla

Horiso 4:6

Đei lơ bơngai apinh: “Bu gơh tơ'bôh ăn kơ bơ̆n tơdrong pŭn hiôk” Ơ Kră Yang, pơchrang bĕ tơdrong hơdah đơ̆ng muh măt Ih, tơ lu nhôn.

Horiso 89:47

Apinh Ih 'blŏk kơ măng năr inh kơđeh dêh. Ih pơjing boih kon bơngai tơdrong kơ đei.

Ya 4:14

Mă-lei iĕm ưh kơ băt kơ năr dơning iĕm thoi yơ, băt kơ iĕm oei arih băt kơ thoi yơ. Tơdrong arih bơ̆n thoi lĕ kơ tŭk, dang ei bơ̆n oei 'bôh sư gom kông, pă 'biơ̆ kơ 'noh ưh pă 'bôh kiơ dơ̆ng.