Jop 9:23 - Sơ̆p Hlabơar Nơ̆r 'Bok Kei-Dei

²³ Mưh đei tơdrong truh pơlôch pơrăm ưh kơ tam băt. Sư hiĕk ăr kơ bơngai ưh kơ đei yoch.

Jop 9:23 ပူးပေါင်းရင်းမြစ်များ

Bl 17:17

Abraham drap bon tơ teh, hiĕk păng khan lăm to thoi âu: “Ô 'bônh ah bơngai kah minh-hrĕng sơnăm boih, na gơh pơjing kon dơ̆ng? Gah Sara, sư tơsĭn-jĭt, gô đei hơ'lơ̆p hă?”

II Sam 14:15

“Dang ei, inh năm roi tơdrong 'nâu kơ pơtao yŏng tơ'ngla inh, noh yua kơ kon pơlei pơma tơhli. Lei inh tơchĕng khan: ‘Inh gô năm roi kơ pơtao, rŏ lăng pơtao gô ăn kơ đam drŏ-kăn pơtao tơdrong sư apinh.

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

Jop 2:7

Thoi noh Satan weh đơ̆ng anăp Kră Yang, na sư pơm pơmat hloi Jop đei tơ'boch đuh đơ̆ng tơpang jơ̆ng truh tơ kơ̆l.

Jop 24:12

Đơ̆ng lăm pơlei đei nơ̆r bơngai wă lôch ôr tơngưih Lu bơngai rơka ôr hơpơi krao dŏng. Mă-lei Kră Yang 'Bok Kei-Dei ưh kơ jô̆ noh tơdrong yoch lu bơngai pơm kơnê̆.

Jop 4:7

“Ih athei tơchĕng lăng 'mơ̆i, hăm đei bơngai 'lơ̆ng tơpăt ưh kơ pơm yoch mă wă lôch hiong? Păng hăm đei anih ayơ bơngai 'lơ̆ng tơpăt đe pơrăm?

Jop 8:20

“Mă-lei Kră Yang 'Bok Kei-Dei ưh kơ achăng lê̆ ôh lu bơngai 'lơ̆ng tơpăt. Kŭm ưh kơ wă tơgŭm lu bơngai pơm kơnê̆.

Horiso 44:22

Sĭt tơpă, yua kơ Ih boih na đe pơlôch nhôn rim năr. Lu nhôn thoi lu kon triu đe wă 'buh sa.

Êsêkiên 21:13

Kră Yang khan: Đei tơdrong pơlong lăng truh, mă-lei tơdah lu iĕm kư̆m oei lăng pơhơi kơ 'long jra teh bơtho noh, lei tơdrong răm noh ưh kơ truh hă?