Jop 7:6 - Sơ̆p Hlabơar Nơ̆r 'Bok Kei-Dei

⁶ “Chăl arih inh năm kuăng thoi kơtuăl brai đe wai, inh lôch tôch hiong ưh kơ đei hơmĕng kiơ.

Jop 7:6 ပူးပေါင်းရင်းမြစ်များ

Jop 13:15

Mă Kră Yang pơlôch inh, inh kư̆m oei gơnang kơ sư; Mă-lei inh oei dŏng tơdrong arih inh 'bơ̆t anăp Sư.

Jop 14:19

Đak ro pơm kơ tơmo huach. Đak lơ̆p koch pơđĭ teh. Ih pơrăm lê̆ tơdrong hơmĕng kon bơngai thoi noh.

Jop 16:22

Oei pă tŏ sĕt sơnăm đĕch bơih inh lôch, na inh gô năm mă ưh pă đei wih dơ̆ng.

Jop 17:1

Tơdrong arih inh wă tôch; khei năr inh wă jê̆ truh; Bơsat oei gô inh.

Jop 17:11

Năr lăm chăl arih inh wă jê̆ hloh bơih, Dôm tơdrong inh chă đon pơchah đĭ, dôm tơdrong inh hơpơi wă kư̆m hiong tôch.

Jop 17:15

Lei tơdrong chang hơmĕng inh oei tơ yơ? Bu gơh 'bôh tơdrong inh chang hơmĕng?

Jop 17:16

Tơdrong chang hơmĕng hăm kiơ̆ inh.a Lu nhôn gô pơdơh hiôk lăm 'mui teh ưh?

Jop 19:10

Sư teh tơpăk inh đơ̆ng puăn pah dĭng inh răm đĭ; Tơdrong inh chang hơmĕng Sư buch lê̆ đơ̆ng rơh thoi đe buch tơm 'long.

Jop 6:11

“Inh đei jơhngơ̆m pran đơ̆ng yơ mă kĕ chang gô. Chăl arih inh tôch liơ ning-mônh, na inh mah adrin?

Jop 9:25

Năr chăl arih inh năm hrĕnh hloh kơ bơngai kơdâu năm roi tơbăt, Lu năr chăl arih inh kơdâu ôn bơih ưh kơ đei tơdrong pŭn hiôk.

Horiso 102:11

Khei năr inh oei arih nhen thoi yơ̆p wă kơsơ̆ măng. Inh jô kro thoi 'nhĕt,

Horiso 144:4

Kon bơngai thoi hơyuh dui jơhngơ̆m. Chăl kon bơngai thoi yơ̆p đông.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Je 2:25

'Nĕ kơ pơlap jơ̆ng gleh păng dĭng hơlŏng iĕm rơhing! Mă-lei iĕm khan. ‘Măk ai kiơ̆ boih; nhôn hơyuh wă kơ yang nai păng nhôn gô kiơ̆ lu sư?’

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Ya 1:11

Pơkao 'long bri brah, mưh truh kơ 'năr tŏ dêh, hla sư jing jô, pơkao sư hơlŭng hơliĕng, lăng sư ưh pă 'lơ̆ng rŏ thoi 'năr rơngơp boih. Bơngai mơdrŏng kư̆m lei-lăi, sư hăt dêh kơ chă mŭk tơmam wă kơ mơdrŏng, mă sư gô lôch hiong hloi.

Ya 4:14

Mă-lei iĕm ưh kơ băt kơ năr dơning iĕm thoi yơ, băt kơ iĕm oei arih băt kơ thoi yơ. Tơdrong arih bơ̆n thoi lĕ kơ tŭk, dang ei bơ̆n oei 'bôh sư gom kông, pă 'biơ̆ kơ 'noh ưh pă 'bôh kiơ dơ̆ng.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.

I Pet 1:24

Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,