Jop 7:20 - Sơ̆p Hlabơar Nơ̆r 'Bok Kei-Dei

²⁰ Ơ Kră Yang mă wei-lăng kon bơngai, tơdah inh đei pơm yoch, inh hăm pơm kiơ kơ Ih? Liơ Ih pơjing inh pơm tơmam Ih prah pơđam? Liơ inh tă jing bơngai pơhiơ̆k Ih?

Jop 7:20 ပူးပေါင်းရင်းမြစ်များ

Ne 9:6

Ơi! Minh 'nu Kră Yang đĕch, ưh kơ đei 'bar nai. Ih boih Kră Yang pơjing kơ lu tăl plĕnh păng lu hơtăl plĕnh hăm lu linh jang 'lơ̆ng kơpal plĕnh, kơtuăl teh păng lu tơmam kơpal teh, đak dơsĭ păng dôm lu kon sem brem lăm noh; Ih wei rong lu tơmam noh păng dôm lu linh kơpal plĕnh kư̆m kơkuh, pơyom kơ Ih.

Jop 10:14

Ih răp lăng inh hăm đei pơm yoch. Ih ưh kơ mơnat ăn tơdrong yoch inh.

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Jop 10:6

Dĭng Ih mah chơchă tơdrong yoch inh, păng chă pơpơih tơdrong glăi inh.

Jop 13:26

Yua kơ Ih phak bơih inh pŭ pơmat, păng ăn kơ inh pŭ dôm tơdrong yoch mă inh pơm kơplah oei tơdăm sơ̆.

Jop 14:16

Ih gô jô̆ dôm kơnao jơ̆ng inh yak năm. Mă-lei ưh pă jô̆ đêl yoch inh pơm.

Jop 22:5

Hăm trŏ yua kơ ih yoch tih dêh? Tơdrong yoch kơnê̆ ih pơm lơ dêh hă?

Jop 3:24

Inh tơtok tơtăm truh tơpă gơh sŏng sa. Inh nhơ̆m hmoi ôr thoi đak ro.

Jop 31:33

Inh ưh kơ đei ôn tơdrong yoch inh thoi Ađam. Na 'bŭ ôn tơdrong yoch kơnê̆ lăm jơhngơ̆m.

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Jop 33:9

‘Inh 'lơ̆ng rơgoh, ưh kơ đei pơm glăi; Inh ưh kơ đei yoch, ưh kơlah pơm yoch.

Jop 35:3

Ih jet Kră Yang dơ̆ng, “Kră Yang đei yua kiơ? Bĕ inh đei yua kiơ, tơdah inh ưh kơ pơm yoch?”

Jop 35:6

Tơdah ih pơm yoch, đei 'bơm kiơ kơ Kră Yang 'Bok Kei-Dei? Tơdah ih pơm yoch rai dêh, ih gơh pơm kiơ hăm Kră Yang?

Jop 6:4

Yua kơ 'brơ̆m Tơ'ngla Kră Yang Hloh prah 'bơm inh, Jơhngơ̆m inh huch đak hơkăm, Inh hli tơrơ tơdrong Kră Yang 'Bok Kei-Dei blah inh.

Horiso 21:12

Ih gô pơm ăn kơ lu sư kơdâu tơ rŏng Ih gŭt hră Ih rĕng tơ lu sư,

Horiso 36:6

Tơdrong 'lơ̆ng tơpăt Ih nhen thoi kông tih.a Tơdrong Ih sek tơlang tơpăt thoi sơlŭng jrŭ. Ơ Kră Yang, Ih wei rongb kon bơngai păng sem brem.

Horiso 80:4

Ơ Kră Yang, 'Bok Kei-Dei Tih Hloh. Ih hil mĭl dêh ưh kơ wă mơ̆ng nơ̆r kon pơlei pơla Ih krao khan dĭng dang yơ?

Nhom 3:12

Sư gŭt hră sư dan inh wă pơm tơmam sư prah pơđam.