Jop 42:9 - Sơ̆p Hlabơar Nơ̆r 'Bok Kei-Dei

⁹ Na, Êliphas, bơngai Thêman, Bildat, bơngai Sua, Sôpha bơngai Naama, chu păng pơm kiơ̆ hloi thoi Kră Yang bơtho pơkă ăn; Kră Yang tơl tơwih nơ̆r Jop.

Jop 42:9 ပူးပေါင်းရင်းမြစ်များ

Bl 20:17

Abraham krao apinh Kră Yang 'Bok Kei-Dei, na sư pơklaih ăn tơdrong jĭ pơtao Abimêlek, akăn sư hăm lu đam sư, thoi noh na đĭ-đăng lu sư đei hơ'lơ̆p ngăl dơ̆ng.

Jop 2:11

Pêng 'nu buăl Jop kơtơ̆ng sư đei dôm tơdrong pơmat-tat noh lu sư pơđâu băl rim 'nu đơ̆ng tơring sư kơdih wă năm ngôi wang sơ'ngon păng wă pơlung Jop. Pêng 'nu noh anăn sư Êliphas đơ̆ng pơlei Têman, Bildat đơ̆ng char Sua păng Sôphar đơ̆ng tơring pơlei Naama.

Jop 22:27

Ih gô krao apinh Sư, Sư gô mơ̆ng nơ̆r ih, Păng ih gô pơkeh tơdrong ih pơkă.

Jop 22:30

Sư dŏng pơklaih lu bơngai ưh kơ yoch; Păng ih gô đei dŏng pơklaih tơdah ti ih 'lơ̆ng rơgoh.

Jop 42:10

Đơ̆ng rŏng kơ Jop krao khan ăn kơ buăl sư đang bơih, Kră Yang ăn kơ Jop đei pŭn hiôk păng ăn kơ Jop đei 'bar 'bar lu mŭk tơmam đei 'bar 'bar hơgrop lu sem dơrong.

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Mathiơ 7:24

“Bơngai bu mơ̆ng nơ̆r Inh bơtho, na kiơ̆ hloi, bơngai 'noh dang bơngai hơgei pơm hnam kơpal tơmo kŭk.

Yo 2:5

Mĕ Sư kơtơ̆ng thoi noh boih, na sư năm khan kơ lu bơngai awih: “Iĕm jang kiơ̆ kơ Sư athei hŏ.”

Jang 10:33

Na inh athei bơngai jang kơ inh năm krao ih hloi. Na ih năm hloi tơ âu. Inh bơnê kơ ih tơpă. Nhôn akŭm tơ âu 'bơ̆t anăp 'Bok Kei-Dei mơ̆ng đĭ đơ̆ng nơ̆r Kră Yang 'Bok Kei-Dei athei ih bơtho.”

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

Hêbrơ 11:8

Abraham kư̆m yua kơ sư đei đon lui kơjăp, na lăp 'Bok Kei-Dei athei sư năm oei tơ dêh nai, na sư năm hloi tơ dêh mă 'Bok Kei-Dei pơkă wă ăn kơ sư noh. Sư kư̆ kơ năm, mă ưh kơ băt wă năm tơ dêh ayơ.