Jop 42:8 - Sơ̆p Hlabơar Nơ̆r 'Bok Kei-Dei

⁸ Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Jop 42:8 ပူးပေါင်းရင်းမြစ်များ

Bl 20:17

Abraham krao apinh Kră Yang 'Bok Kei-Dei, na sư pơklaih ăn tơdrong jĭ pơtao Abimêlek, akăn sư hăm lu đam sư, thoi noh na đĭ-đăng lu sư đei hơ'lơ̆p ngăl dơ̆ng.

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

I Ho 15:26

Yua kơ Kră Yang 'Bok Kei-Dei tơgŭm lu bơngai Lêwi tung ba Hom Pơgơ̆p Kră Yang, na pơyơ̆r tơmam soi tơpơh tŏ rơmo tơno, păng tơpơh tŏ triu tơno.

II Ho 29:21

lu Sư chĕp ba tơpơh tŏ rơmo tơno, tơpơh tŏ triu tơno, tơpơh tŏ triu kon păng tơpơh tŏ bơbe tơno wă pơm tơmam soi pơyơ̆r huai đơ̆ng yoch kơ char sư, kơ hnam rơgoh păng kơ kon pơlei Juđa. Pơtao athei lu 'bok soi kon sâu Arôn, soi pơyơ̆r lu kon sem noh tơ kơpal chơnang soi Kră Yang.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Jop 1:8

Kră Yang jet dơ̆ng Satan, “E hăm 'bôh Jop bơngai hli yom kơ Inh? Lăm teh đak ưh kơ đei bu thoi sư, đei đon 'lơ̆ng tơpăt, băt hli yom kơ Inh Kră Yang 'Bok Kei-Dei păng weh ataih đơ̆ng tơdrong kơnê̆.”

Jop 22:30

Sư dŏng pơklaih lu bơngai ưh kơ yoch; Păng ih gô đei dŏng pơklaih tơdah ti ih 'lơ̆ng rơgoh.

Jop 35:8

Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.

Jop 42:9

Na, Êliphas, bơngai Thêman, Bildat, bơngai Sua, Sôpha bơngai Naama, chu păng pơm kiơ̆ hloi thoi Kră Yang bơtho pơkă ăn; Kră Yang tơl tơwih nơ̆r Jop.

Horiso 103:10

Sư huay pơm kơ lu bơ̆n kiơ̆ thoi yoch lu bơ̆n ôh; Kŭm ưh kơ hil 'mong kiơ̆ kơ tơdrong kơnê̆ lu bơ̆n pơm boih.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Êsai 60:14

Lu kon drŏ-nglo lu bơngai pơgŏ pơđep ih gô kŭp kơ̆l năm kơkuh kơ ih, păng rim 'nu lu bơngai mă pơjăm pơjuă ih gô drap 'bơ̆t jơ̆ng sơtơ̆p kŭl-tăng kơkuh kơ ih. Lu sư gô krao kơ ih pơlei Kră Yang pơlei Siôn Tơ'ngla 'Lơ̆ng Rơgoh Isơrael.

Je 14:11

Kră Yang khan kơ inh: “Ih 'nĕ krao khan apinh Kră Yang ăn tơdrong hiôk 'lơ̆ng kơ kon pơlei âu;

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 45:23

Lăm tơpơh năr phĕt, rim năr lăm tơpơh năr noh; sư gô pơyơ̆r tơpơh tŏ rơmo dăm păng tơpơh tŏ kon triu 'lơ̆ng ưh kơ đei rơka wă pơm tơmam soi kơ Kră Yang; lăm tơpơh năr, rim năr minh pôm bơbe tơno wă pơm tơmam soi huai đơ̆ng yoch.

Jo 23:1

Balaam khan kơ Balak: Pơm pơdơ̆ng bĕ tơpơh tŏ chơnang soi tơ âu kơ inh păng kư̆m chă ăn kơ inh tơpơh tŏ rơmo tơno păng chă tơpơh tŏ triu tơno.

Jo 23:14

Thoi noh Balak chông ba Balaam truh tơ mir Sôphim, kơpal kơ̆l kông Pisga, pơdơ̆ng tơpơh tŏ chơnang soi păng tơ rim chơnang soi pơyơ̆r minh pôm rơmo dăm păng minh pôm triu tơno.

Jo 23:29

Balaam khan kơ Balak: Athei pơdơ̆ng ăn kơ inh tơ âu tơpơh tŏ chơnang soi păng chă lê̆ tơpơh tŏ rơmo dăm păng tơpơh tŏ triu tơno.

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.

Hêbrơ 10:4

yua kơ lu sư gơnang kơ soi hăm pham rơmo pham bơbe khan klaih kơ tơdrong yoch. Thoi yơ pham rơmo pham bơbe gơh pơklaih tơdrong yoch? Pham noh ưh kơ gơh pơklaih minh tơdrong kiơ.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Ya 5:14

Lăm lu iĕm, tơ̆ng bu đei tơdrong jĭ jăn, sư athei krao lu kră wei-lăng lu bơngai lui năm krao khan kơ sư hăm pik đak pơgang tơ akâu sư păng krao anăn Kră Yang Yêsu pơklaih sư.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.

I Yo 5:6

Yêsu Krist jur tơ ala teh âu Sư iŏk 'batem hăm đak păng Sư lôch tuh pham yua kơ bơ̆n, ưh kơ sĭ tơdrong iŏk 'batem đĕch ôh, tơdrong Sư tuh pham yua kơ bơ̆n mơ̆n.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.

I Sam 25:35

Đawit iŏk dôm tơmam đơ̆ng ti sư chĕp ba na pơkă khan: Brŏk wih bĕ tơ hnam dơnŏ ih hiôk hơđơ̆ng, inh kơtơ̆ng boih dôm nơ̆r ih apinh păng inh kư̆m răk kiơ̆ thoi nơ̆r hơpơi.