Jop 42:2 - Sơ̆p Hlabơar Nơ̆r 'Bok Kei-Dei

² Inh băt kơ Kră Yang gơh pơm tôm tơdrong, Ưh kơ đei bu gơh găn Ih tơdrong Ih wă pơm.

Jop 42:2 ပူးပေါင်းရင်းမြစ်များ

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Jop 23:13

Mă-lei Kră Yang ưh kơ đei tơplih ôh. Bơngai bu pơ̆n tơplih Sư? Tơdrong kiơ Sư wă, Sư pơm hloi.

Jop 25:2

Kră Yang chĕp tơdrong pơgơ̆r păng trŏ kơ hli yom: Kră Yang pơjing tơdrong rơngei hiôk-hian tơ kơpal plĕnh ti.

Jop 42:1

Jop tơl Kră Yang:

Horiso 135:6

Kră Yang pơm đĭ-đăng, tơdrong kiơ Sư lăp đon. Mă tơ plĕnh ti dah tơ teh âu, lăm đak dơsĭ, dah tơ lăm anih jrŭ sŭng.

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Bôk Bơthô 3:14

Inh 'bôh băt tôm tơdrong Kră Yang 'Bok Kei-Dei pơjing sư oei đei khŏm khŏm, kon bơngai ưh kơ gơh pơthim tơdrong kiơ păng ưh kơ gơh hơtŭch lê̆ ôh; Kră Yang 'Bok Kei-Dei pơm thoi noh, wă kơ kon bơngai hli yom kơ Sư.

Êsai 14:27

Yua kơ Kră Yang Tih Hloh pơkă bơih na bu gơh sŭt lê̆? Ti Kră Yang yơ̆r bơih na bu gơh gơ̆t lê̆?

Êsai 43:13

Tơpă, adrol kơ đơ̆ng đei khei năr sơ̆, Inh bơih Kră Yang 'Bok Kei-Dei, ưh kơ đei bu gơh iŏk tơgar đơ̆ng ti Inh. Mưh Inh pơm, ưh kơ đei bu gơh pơgăn Inh.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Êsêkiên 38:10

Kră Yang khan: “Lăm năr noh ih đei tơchĕng ih wă chă đon pơm kơnê̆.

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Mathiơ 19:26

Yêsu lăng lu sư păng khan: “Kon bơngai ưh kơ gơh mơ̆t kơdih tơ dêh char 'Bok Kei-Dei ôh, dah 'Bok Kei-Dei ưh kơ pơklaih yoch sư. 'Bok Kei-Dei pơklaih yoch sư na sư gơh mơ̆t, yua kơ 'Bok Kei-Dei gơh pơm tôm tơdrong.”

Markôs 10:27

Yêsu lăng lu sư păng khan: “Kon bơngai ưh kơ gơh mơ̆t kơdih tơ dêh char 'Bok Kei-Dei ôh, dah 'Bok Kei-Dei ưh kơ pơklaih yoch sư. 'Bok Kei-Dei pơklaih yoch sư na sư gơh mơ̆t yua kơ 'Bok Kei-Dei gơh pơm tôm tơdrong.”

Markôs 14:36

Sư khan: “Aba, ơ 'Bă, Ih gơh pơm tôm tơdrong. Apinh Ih ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Luka 18:27

Yêsu khan: “Mă dôm tơdrong kiơ kon bơngai ưh kơ gơh pơm, 'Bok Kei-Dei gơh ngăl. Bơngai bu 'Bok Kei-Dei mơnat, bơngai noh gơh mơ̆t.”

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.