Jop 42:11 - Sơ̆p Hlabơar Nơ̆r 'Bok Kei-Dei

¹¹ Đĭ-đăng lu 'nhŏng, mŏ oh sư păng lu bơngai juăt băt kơ Jop đơ̆ng adrol sơ̆, năm ngôi hơpong păng sŏng sa hăm sư tơ lăm hnam sư. Lu sư ngôi hơpong păng pơlung sư gah lu tơdrong truh pơmat mă Kră Yang pơm kơ sư. Rim 'nu kơ lu sư ăn kơ Jop minh kơtuăl jên hub păng minh pôm tơkhiĕn maih.

Jop 42:11 ပူးပေါင်းရင်းမြစ်များ

Bl 24:22

Đang kơ lu aseh lăk-đa sư nhă boih, bơngai đam noh sư iŏk gŏp muh maih trăp dang minh puăt jên hu păng 'bar tŏ kong maihb trăp dang mơjĭt hlak jên hu.

Bl 24:53

Sư iŏk dôm tơmam pơhrôp păng hu, maih păng ao tai chro ăn kơ Rê'bêka; păng kư̆m đei lu tơmam gĭt kăp pơyơ̆r ăn kơ 'nhŏng sư hăm Mĕ sư.

Bl 37:35

Đĭ-đăng lu kon drŏ-nglo, kon drŏ-kăn ngôi tăp dăr kơ sư, pơlung ngôi apong kơ sư, mă-lei Jakôp 'bă lu sư ưh kơ chu păng khan thoi âu: Inh gô grong sơ'ngon dĭng truh lôch hơdai kon hơ'lơ̆p inh tơ lăm bơsat! Noh boih, 'bă Jôsep nhơ̆m hmoi kơ sư thoi noh.

Jop 16:5

Mă-lei inh gô pơma pơhiôk jơhngơ̆m iĕm, pơlung iĕm wă kơ jĭ jăn iĕm rai dă 'biơ̆.

Jop 2:11

Pêng 'nu buăl Jop kơtơ̆ng sư đei dôm tơdrong pơmat-tat noh lu sư pơđâu băl rim 'nu đơ̆ng tơring sư kơdih wă năm ngôi wang sơ'ngon păng wă pơlung Jop. Pêng 'nu noh anăn sư Êliphas đơ̆ng pơlei Têman, Bildat đơ̆ng char Sua păng Sôphar đơ̆ng tơring pơlei Naama.

Jop 4:4

Nơ̆r ih pơma tơgŭm bơngai pơ̆k gơh iung dơ̆ng, Ih pơm ăn kŭl-tăng rơdu jing jăng.

Tơdrông Pơđơk 14:20

Bơngai dơnuh răm hăm rông 'bôt kư̆m areh; Mă-lei đei lu bơngai mơdrŏng đei buăl 'mêm rai lơ.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Yo 11:19

Na đei lơ bơngai Juđê đơ̆ng Pơlei Jêrusalem năm ngôi hơpong tơ bre Mathê păng Mari wă kơ bre sư huay sơ'ngon kơ 'nhŏng bre sư lôch.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.

Hêbrơ 12:12

Thoi noh na iĕm 'nĕ kơ pơhơi, athei iung mă tơpăt.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.

Jôsuê 24:32

Kơting Jôsep mă kon pơlei Isơrael iŏk chĕp ba đơ̆ng char Êyiptơ, 'bŭ tơ pơlei Sichem, lăm teh mă Jakôp răt đơ̆ng kon drŏ-nglo Hamôr, 'bă kơ Pơlei Sichem, minh-hrĕng tơpei jên hu;a kon sâu Jôsep đei teh noh jing teh jang sa mir 'ba lu sư.

I Sam 10:27

Mă-lei đei lu bơngai mơ'nah pơjăm sư khan: Sư 'noh khan wă dŏng tơgŭm yă kiơ đei đăi? Lu sư pơjăm lăng Sôl ưh kơ rơ-a, ưh kơ wă chĕp ăn kơ sư tơmam kiơ ôh. Mă-lei Sôl sư ngăn hreh đĕch.