Jop 40:13 - Sơ̆p Hlabơar Nơ̆r 'Bok Kei-Dei

¹³ 'Bŭ bĕ lu sư hơdai băl lăm 'mui teh, gom klơ̆p lê̆ muh măt lu sư lăm bơsat.

Jop 40:13 ပူးပေါင်းရင်းမြစ်များ

Esther 7:8

Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Jop 14:13

Hơpơi rŏ kơ Ih ôn inh tơ lăm bơsat klơ̆p ôn inh dĭng truh tơblĕk Ih ngach 'mơ̆i, Truh jơ 'năr đêl hơgăt kơ inh, apinh Ih 'blŏk kơ inh dơ̆ng!

Jop 36:13

Jơhngơ̆m lu bơngai ưh kơ lui răk mong tơdrong hil blĕk Kră Yang phak lu sư Kŭm oei ưh kơ krao apinh dŏng pơklaih.

Jop 40:14

Kơplah 'noh Inh gô pơư kơ ih, Ti 'ma ih kĕ jei gơh pơklaih ih kơdih.

Horiso 49:14

Thoi khŭl triu, đe wă 'bŭ lăm bơsat. Tơdrong lôch gô wei lu sư: Truh pơgê lu bơngai tơpăt gô pơgơ̆r lu sư, Tơdrong 'lơ̆ng rŏ lu sư ôm răm đĭ tơ pơlei lôch, ataih đơ̆ng anih lu sư oei.

Êsai 2:10

Iĕm mơ̆t bĕ lăm hơgơp tơmo, ôn bĕ akâu iĕm lăm teh, wă weh đơ̆ng anăp tơdrong đei krưp Kră Yang păng tơdrong ư-ang mơsêh mơyang Sư.

Yo 11:44

Lasarơ mă lôch ei iung đơ̆ng bơsat lĕch hloi tơ 'ngoaih. Mă-lei jơ̆ng ti muh măt sư đêl đe chôm pơ̆n păng che oei oei 'bơ̆t akâu sư. Yêsu khan kơ lu sư: “Yaih che đơ̆ng akâu sư bĕ wă kơ sư jah wih tơ hnam.”

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.