Jop 40:12 - Sơ̆p Hlabơar Nơ̆r 'Bok Kei-Dei

¹² Lăng bĕ tơ lu bơngai pơang păng teh tơhuŏng lê̆ sư; Kŭm teh pơjuă bĕ lu bơngai pơm kơnê̆ kơtă anih sư.

Jop 40:12 ပူးပေါင်းရင်းမြစ်များ

Jop 36:20

'Nĕ kơ chang gô măng mu, Kơplah kon pơlei pơla đe anhăk ba pă 'bôh đơ̆ng anih sư.

Horiso 60:12

Đơ̆ng Kră Yang 'Bok Kei-Dei lu bơ̆n gơh kĕ jei; Yua kơ sư gô juă bơhlơ̆r lu ayăt kơ nhôn.

Horiso 94:2

Iung bĕ, ơ Yŏng Sek Tơlang kơ teh đak. Pơm tơwih bĕ kơ lu bơngai pơang kiơ̆ trŏ thoi lu sư pơm.

Tơdrông Pơđơk 15:25

Kră Yang gô teh tơhuŏng hnam lu bơngai pơang; Mă-lei sư gô bơwei hơdral teh lu drŏ-kăn adro.

Bôk Bơthô 11:3

Mưh đei hơmơ̆l găm noh wă đei 'mi jur; mưh 'long păk tơ gah gơal dah păk tơ gah yă-nơ̆m, mă păk 'bơ̆t yơ, 'bơ̆t yơ sư oei 'bơ̆t dei.

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 22:19

Inh gô tơlĕch lê̆ ih, gô puh tơweh lê̆ ih đơ̆ng anih ih jang.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 63:3

“Minh 'nu Inh đĕch pơjuă păng hmĕt đak hơmu, ưh kơ đei bu mă đơ̆ng kon pơlei oei hăm Inh. Lăm tơdrong hil Inh pơjuă lu sư, lăm tơdrong Inh mĭl Inh pơjuă bơhlơ̆r lu sư. Pham lu sư tơprah 'bơm ao Inh, ao tai Inh pham klep jơ̆p-jang.

Je 48:29

Lu nhôn kơtơ̆ng boih char Môap pơang dêh, pơrŏ dêh pơm khuơ̆ 'mơng, pơang pơrŏ, pôk kơdih akâu,”

Da 4:24

Ơ pơtao, 'nâu boih nơ̆r tơblang păng 'nâu kư̆m nơ̆r pơsĭt đơ̆ng Kră Yang 'Bok Kei-Dei Tih hloh, truh boih tơ ih yŏng inh.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Sa 10:5

mă-lei lu sư jơ̆ lu bơngai nuih pran pơjuă lu ayăt kơ lu sư, thoi đe pơjuă teh hlŭt rok trong đe năm tơblah; lu sư gô blah jei, yua kơ Kră Yang oei hơdai lu sư, na lu linh ayăt hao aseh gô thuơ păng mơlâu kơ lu sư.

Malachi 4:3

Lu iĕm gô pơjuă gơhlơ̆r lê̆ lu bơngai pơm kơnê̆, yua kơ lăm năr mă Inh pơm noh, lu sư nhen thoi rơnok tơ ala jơ̆ng lu iĕm.” Kră Yang Tih Hloh khan thoi noh.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

I Sam 2:7

Kră Yang ăn kơ đe dơnuh, Păng tơiung đe mơdrŏng; Sư tơjur đe păng kư̆m pôk hơtŏk mơ̆n.