Jop 40:11 - Sơ̆p Hlabơar Nơ̆r 'Bok Kei-Dei

¹¹ Săi bĕ tơdrong blĕk ih tơ jơ̆p-jang anih. Lăng bĕ 'bôh bơngai bu pơang tơjur lê̆ sư.

Jop 40:11 ပူးပေါင်းရင်းမြစ်များ

Jop 20:23

Layơ sư phĭ 'bĕnh klak bơih, Kră Yang 'Bok Kei-Dei gô tuh tơdrong hil mĭl Sư thoi đak 'mi. Pơm tơmam sa sư

Jop 21:30

Lăm năr đei tơdrong truh, lu bơngai kơnê̆ oei gơh hiôk. Oei gơh klaih lăm năr hil mĭl?

Jop 27:22

Huơ̆r pơdăr lu sư, ưh pă đei mơnat kơ lu sư; Lu sư adrin kơdâu ôn đơ̆ng kial tih.

Jop 4:9

Hơyuh kial dui jơhngơ̆m Kră Yang 'Bok Kei-Dei pơrăm lu sư. Tơdrong Kră Yang 'Bok Kei-Dei hil mĭl na lu sư hiong răm.

Jop 9:5

Kră Yang 'Bok Kei-Dei hiŏng kông, kông ưh kơ băt adrol, lăm năr Sư hil Sư bơlih plơ̆ lê̆ kông.

Horiso 144:6

Apinh tơlĕch bĕ kơmlat pơm ăn kơ lu ayăt tơklah tơklang. Prah bĕ 'brơ̆m hră Ih na puh lu sư.

Horiso 94:2

Iung bĕ, ơ Yŏng Sek Tơlang kơ teh đak. Pơm tơwih bĕ kơ lu bơngai pơang kiơ̆ trŏ thoi lu sư pơm.

Le 15:6

Ơ Kră Yang! Ti gah 'ma Ih pran kơtang mơsêh mơyang. Ơ Kră Yang! Ti gah 'ma Ih pơrăm boih lu linh ayăt.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 22:19

Inh gô tơlĕch lê̆ ih, gô puh tơweh lê̆ ih đơ̆ng anih ih jang.

Êsai 23:9

Kră Yang Tih Hloh bơih pơkă pơm tơdrong âu, tơjur tơdrong pơang kơ đĭ-đăng tơdrong 'lơ̆ng rŏ păng pơm kơ lu bơngai đe pơyom lăm teh đak âu mơlâu.

Êsai 25:11

Mă lu sư gô pơdăng ti lu sư lăm noh, thoi bơngai glơi đak pơdăng ti sư wă glơi, mă-lei Kră Yang gô tơhuŏng lê̆ tơdrong pơang lu sư, Mă ti lu sư yơ̆r hơwơi ră.

Êsai 26:5

Sư tơjur lê̆ lu bơngai oei tơ kơpal, teh pơchah lê̆ bơih pơlei tih kơjăp, tơjur lê̆ lu bơngai pơang truh tơ teh, huŏng lăm 'mui teh.

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Je 48:29

Lu nhôn kơtơ̆ng boih char Môap pơang dêh, pơrŏ dêh pơm khuơ̆ 'mơng, pơang pơrŏ, pôk kơdih akâu,”

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Da 4:24

Ơ pơtao, 'nâu boih nơ̆r tơblang păng 'nâu kư̆m nơ̆r pơsĭt đơ̆ng Kră Yang 'Bok Kei-Dei Tih hloh, truh boih tơ ih yŏng inh.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Na 1:8

Gah lu bơngai ayăt kơ Kră Yang đak lơ̆p pơrăm anih lu sư păng druh lu ayăt kơ Sư kơdâu mơ̆t lăm tơdrong măng mu.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”