Jop 4:11 - Sơ̆p Hlabơar Nơ̆r 'Bok Kei-Dei

¹¹ Dăm-brang pran kơtang lôch yua kơ ưh kơ đei sem bri wă sa. Păng khŭl dăm-brang kon lu sư tơklah tơklang.”

Jop 4:11 ပူးပေါင်းရင်းမြစ်များ

Bl 49:9

Juđa jơ̆ dăm-brang mơlôh; Ơ dăm! E đei rôp bơnă na anhăk ba brŏk, Sư sơtơ̆p kŭl-tăng, thoi dăm-brang tơno drum. Thoi dăm-brang akăn; hăm đei bu pơ̆n tơiung?

Jop 1:19

Na đei kial hơbŭt tih đơ̆ng char glă pơm kơ puăn pah mum hnam. Hnam păk glơ̆m kơtĭt lu kon ih lôch đĭ; lăp minh 'nu inh đĕch klaih, năm roi ăn kơ ih.

Jop 20:10

Kon sâu sư gô apinh đơ̆ng bơngai dơnuh, ti lu sư athei pơdrâu 'mong tơmam mă đêl 'bă sư iŏk bơih.

Jop 29:17

Inh teh tơgơ̆ lê̆ grĕng lu bơngai pơm kơnê̆, Hek pơdŭng iŏk tơmam sa đơ̆ng hơnĕnh sư.

Jop 38:39

Ih hăm chă hơnguang tơmam sa ăn kơ dăm-brang akăn, Ăn kơ kon dăm-brang sa hrăp.

Jop 5:15

Mă-lei Sư dŏng pơklaih lu bơngai pơmat-tat đơ̆ng đao gưm,c pơklaih lu sư đơ̆ng 'bơ̆r păng ti lu bơngai pran kơtang.

Jop 5:4

Lu kon hơ'lơ̆p sư ưh kơ đei hơđơ̆ng ôh, đe gô juă bơhlơ̆r 'bơ̆t 'măng jang, na ưh kơ đei bu dŏng lu sư.

Horiso 34:10

Kon dăm-brang mơlôh khăi kơ tơmam sa păng pơngot. Mă-lei bơngai bu mă krao chă Kră Yang ưh kơ đei khăi kơ tơmam 'lơ̆ng ôh.

Horiso 34:11

Ơ lu kon năm mơ̆ng Inh bĕ, Inh gô bơtho kơ lu iĕm băt hli yom kơ Kră Yang.

Horiso 7:2

Kơnh lu sư hek sa inh thoi dăm-brang, păng hek hơđah lê̆ akâu inh ưh kơ đei bu dŏng inh.a

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Jo 23:24

To, đei minh khŭl kon pơlei iung thoi dăm-brang akăn, Păng iung dang dơ̆ng thoi dăm-brang tơno; Dĭng truh tơ đei rôp sa kon sem na mă drum, Păng huch sa pham lu kon sem mă đêl lu sư rôp sa.

Jo 24:9

lu sư drap, drum thoi dăm-brang tơno, kư̆m thoi dăm-brang akăn: Bu pơ̆n râu tơiung lu sư? Pŭn hiôk dêh kơ bơngai bu hơpơi ăn pŭn hiôk kơ ih, Hiap bĕ lu bơngai bu hiap ih.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.