Jop 39:11 - Sơ̆p Hlabơar Nơ̆r 'Bok Kei-Dei

¹¹ Ih hăm wă yua rơmo bri mă pran jăng dêh? Hăm wă jao kơ sư tơdrong jang gleh lap?

Jop 39:11 ပူးပေါင်းရင်းမြစ်များ

Bl 1:26

Kră Yang 'Bok Kei-Dei khan thoi âu: “Bĕ lu bơ̆n pơjing kon bơngai hơbŏ thoi bơ̆n, nhen thoi bơ̆n, wă kơ pơgơ̆r lu ka lăm đak dơsĭ, lu sem păr, lu sem dơrong, lu hơdrông mơmŏ kơpal teh păng jơ̆p-jang kơ teh đak.”

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Bl 42:26

Đơ̆ng noh lu sư hơtŏk 'ba lu sư tơ kơdŭ aseh na wih brŏk.

Bl 9:2

Lu sem dơrong kơpal teh, lu sem păr kơpal plĕnh păng lu sem brem adrŏ kơpal teh, lu ka lăm đak dơsĭ, đĭ-đăng gô hli păng chu yom kơ iĕm yua kơ Inh jao boih lăm ti lu iĕm.

Jop 39:10

Ih hăm gơh tah rơmo bri tơ 'long rơuơ na choh mir ưh? Sư hăm chu kiơ̆ đơ̆ng rŏng ih na 'bơ tŭn tơ lăm thŭng?

Jop 39:12

Ih hăm lui ngeh kơ sư wă chơ ba 'ba ih păng chơ iŏk đơ̆ng anih preh 'ba?

Horiso 144:14

Ăn kơ rơmo lu nhôn chek lar rai lơ. 'Nĕ kơ ăn 'lih păng huay kơ lôch hiong. Dah đei nơ̆r ôr pơmat tơ rok trong pơlei tih lu nhôn.

Horiso 147:10

Sư ưh kơ lăp đon kơ jơhngơ̆m pran aseh, kư̆m ưh kơ hiôk kơ jơ̆ng pran kon bơngai.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Tơdrông Pơđơk 14:4

Tơ yơ ưh kơ đei kơpô rơmo tơ ei bơng 'nhĕt kư̆m hoh, Mă-lei đei kĕch 'ba lơ đơ̆ng rơmo tơno choh.

Êsai 30:16

Lu iĕm khan: ‘Ưh, lu nhôn gô hao aseh chă kơdâu klĕnh’ trŏ bơih na lu iĕm gô kơdâu klĕnh. ‘Lu iĕm khan lu nhôn hao aseh kơdâu hrĕnh,’ na lu bơngai druh iĕm kư̆m gô kơdâu hrĕnh mơ̆n!

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Êsai 46:1

Yang Bel kŭp kơ̆l, yang Nêbô drap, rup yang noh lu sư chơ kơpal rŏng lu sem brem, sem dơrong. Lu rup yang mă lu iĕm juăt kơ tung trăp dêh, pơm kơ lu sem brem chơ sư trăp pă kĕ.

Jo 23:22

Kră Yang 'Bok Kei-Dei chông tơlĕch lu sư đơ̆ng dêh char Êyiptơ. Lu sư đei jơhngơ̆m pran thoi rơmo bri.