Jop 38:12 - Sơ̆p Hlabơar Nơ̆r 'Bok Kei-Dei

¹² Đơ̆ng năr hơiơch kơ ih, ih hăm đei lah tơtă kơ 'năr đei til pơgê hloi, Tơbăt ăn kơ 'năr hơdah anih sư oei.

Jop 38:12 ပူးပေါင်းရင်းမြစ်များ

Bl 1:5

Kră Yang 'Bok Kei-Dei anăn hơdah noh “Kơ'năr”; măng mu noh “Kơmăng”. Thoi noh đei kơsơ̆ păng pơgê; noh jơ̆ năr mă mônh.

Jop 15:7

Hăm trŏ kơ tơpŭ đei ih adrol hloh? Hăm trŏ kơ pơjing ih adrol kơ kông kŏ.

Jop 24:16

Lu bơngai tơtông bŏk tơnăr hnam kơmăng, na kơ'năr lu sư chă ôn; Ưh kơ băt kơ hơdah.

Jop 38:11

Na khan: “Ih năm truh tôch dâu, ưh pă gơh năm ataih dơ̆ng ôh, Ih poh-yă athei dơ̆ng 'bơ̆t dâu!”

Jop 38:13

Athei sư rôp kơjăp lu mum teh, Gơgŭ pơpuh bơngai kơnê̆ lĕch đơ̆ng noh.

Jop 38:21

Ih kư̆m băt! Yua kơ đei tơpŭ kơ ih bơih kơplah noh, Jô̆ năr ih arih lơ sơnăm tơpă.

Jop 38:4

Kơplah Inh dan hơnă plei teh, ih oei tơ yơ? Tơdah ih hlôh hơdah, roi ăn kơ Inh bĕ.

Jop 8:9

Yua kơ lu bơ̆n bơngai nge 'nao brei tam băt tơdrong kiơ. Păng chăl arih bơ̆n kơpal teh hloh hlôi kuăng thoi yơ̆p.

Horiso 74:16

Kơ'năr jơ̆ Ih kơmăng kư̆m lei-lăi; Ih boih pơjing kơ măt khei măt 'năr.

Am 5:8

Chơchă bĕ Tơ'ngla pơjing kơ sơnglŏng hơdrŭng iĕr păng sơnglŏng gŭt-'năk, na tơplih măng mu jing hơdah, 'năr jing măng, Tơ'ngla krao đak đơ̆ng lăm dơsĭ na tuh kơpal teh. Anăn Sư Kră Yang.

Luka 1:78

Yua kơ Kră Yang mơnat kơ bơ̆n tơpă, na Sư ăn 'Bok Dŏng Pơklaih ei jur tơ bơ̆n. Sư thoi măt 'năr pơchrang tơ'bôh tơdrong hơdah kơ bơ̆n mă bơngai oei lăm măng mu, wă lôch hiong ră, mă-lei Sư gô tơ'bôh ăn kơ bơ̆n tôm tơdrong hiôk-hian.”

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.