Jop 37:5 - Sơ̆p Hlabơar Nơ̆r 'Bok Kei-Dei

⁵ Kră Yang 'Bok Kei-Dei ăn kơ grơ̆m re jơwa hlĭch chrơp; Kră Yang pơm dôm tơdrong jang tih-tin, lu bơ̆n ưh kơ kĕ hlôh.

Jop 37:5 ပူးပေါင်းရင်းမြစ်များ

Jop 11:7

Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

Jop 26:14

Noh lăng brih tŏ sĕt đĕch tơdrong jang Sư; Tơdrong mă đe roi bơ̆n kơtơ̆ng noh lăp iĕ ioch đĕch mă-lei bu hlôh rơđah jơwa grơ̆m re Mơsêh Mơyang Sư?

Jop 36:26

Trŏ tơpă, Kră Yang 'Bok Kei-Dei Tih-Tin dêh, hloh kơ bơ̆n băt hlôh; Sơnăm Sư arih sot dang yơ, ưh kơ đei bu gơh pơtŏ;

Jop 37:14

Ơ Jop, mơ̆ng bĕ nơ̆r 'nâu, Athei dơ̆ng hreh bĕ, tơchĕng gah dôm tơdrong jang hlĭch chrơp Kră Yang 'Bok Kei-Dei.

Jop 37:16

Ih hăm băt ưh liơ hơmơ̆l đông kơjăp hơnơ̆ng hơnong? Noh tơdrong jang hlĭch chrơp đơ̆ng Tơ'ngla gơh hơgei tôm tơdrong?

Jop 37:2

Mơ̆ng bĕ, nơ̆r Kră Yang re jơwa thoi grơ̆m, nơ̆r re jơwa lĕch đơ̆ng 'bơ̆r Sư.

Jop 37:4

Đơ̆ng rŏng kơ 'noh đei jơwa re Kră Yang ôr hơdrăi Grơ̆m re jơwa. Sư ưh pă kĕ pơkơ̆ng bơih kơplah đe kơtơ̆ng re jơwa grơ̆m kơmlat noh.

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Jop 5:9

Sư pơm dôm tơdrong tih-tin, ưh kơ đei bu hlôh, Tơdrong hlĭch chrơp ưh pă kĕ jô̆.

Jop 9:10

Sư pơm lu tơdrong tih-tin ưh kơ đei bu kĕ băt, tơdrong hlĭch chrơp bu kĕ jô̆.

Horiso 18:14

Sư prah 'brơ̆m pơm kơ lu ayăt kơ inh tơklah tơklang đĭ, Tơlĕch kơmlat pơm kơ lu sư mơnhal hơwơ̆l hơwang.

Horiso 29:3

Nơ̆r Kră Yang ư-ang jơ̆p tơ kơpal đak. Kră Yang Kră Yang 'Bok Kei-Dei nơ̆r Sư pơma re jur thoi grơ̆m glaih.

Bôk Bơthô 3:11

Kră Yang 'Bok Kei-Dei pơjing bơih Sư 'lơ̆ng rŏ ngăl lăm jơ 'năr Sư. Sư kư̆m đei ăn kơ kơ̆l 'ngok kon bơngai băt kơ chăl đơ̆ng rŏng. Mă-lei ưh kơ đei bu kĕ băt hlôh kơ Kră Yang 'Bok Kei-Dei pơm đơ̆ng blŭng-a truh tơ ning-mônh.

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.