Jop 37:3 - Sơ̆p Hlabơar Nơ̆r 'Bok Kei-Dei

³ Kră Yang ăn kơmlat chêr 'blêt hơdah ala kơ plĕnh. Păng kơmlat Kră Yang pơchrang truh tơ jơ̆p tôch kơ teh.

Jop 37:3 ပူးပေါင်းရင်းမြစ်များ

Jop 28:24

Yua kơ Sư lăng 'bôh tôch kơ teh, Păng 'bôh nhen jơ̆p kơpal teh đak ala plĕnh.

Jop 28:26

Layơ Sư hơgăt ăn tơdrong juăt kơ bơyan 'mi, Pơih ăn trong kơ grơ̆m glaih.

Jop 37:11

Kră Yang mong đak lăm hơmơ̆l hơ'bơ̆l. Bơyar bơlang hơmơ̆l hăm kơmlat.

Jop 37:12

Hơmơ̆l đông dăr kiơ̆ kơ Kră Yang. Pơm pơkeh tơdrong jang mă Kră Yang athei Jơ̆p kơ anih kơpal teh đak.

Jop 37:4

Đơ̆ng rŏng kơ 'noh đei jơwa re Kră Yang ôr hơdrăi Grơ̆m re jơwa. Sư ưh pă kĕ pơkơ̆ng bơih kơplah đe kơtơ̆ng re jơwa grơ̆m kơmlat noh.

Jop 38:13

Athei sư rôp kơjăp lu mum teh, Gơgŭ pơpuh bơngai kơnê̆ lĕch đơ̆ng noh.

Jop 38:35

Ih hăm gơh wơh kơmlat athei sư nơnăm. Na lu sư hăm tơl ih khan: “Lu nhôn tơ âu?”

Horiso 77:13

Ơ Kră Yang 'Bok Kei-Dei, tôm tơdrong Ih pơm 'lơ̆ng rơgoh ngăl. Hăm đei yang kiơ tih hơtŏ hăm Kră Yang 'Bok Kei-Dei ưh?

Horiso 97:4

Kơmlat đơ̆ng Sư pơchrang hơdah tơ lăm teh đak, Plei teh 'bôh na hli pơpơ̆,

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Mathiơ 24:27

Năr ei kơnh đĭ-đăng kon bơngai gô 'bôh Inh Kon Bơngai jur thoi kơmlat, chêr 'blêt 'bôh jơ̆p-jang kơ teh đak mă đơ̆ng hơlĕch truh tơ bơmơ̆t.

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.