Jop 37:23 - Sơ̆p Hlabơar Nơ̆r 'Bok Kei-Dei

²³ Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Jop 37:23 ပူးပေါင်းရင်းမြစ်များ

Jop 11:7

Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

Jop 11:8

Tơdrong hơgei Kră Yang kơjung hloh kơ plĕnh Na ih gơh pơm kiơ? Tơdrong hơgei Sư jrŭ hloh kơ pơlei lôch, na liơ ih kĕ băt?

Jop 12:13

Kră Yang 'Bok Kei-Dei gơh hơgei păng Mơsêh Mơyang gơh băt păng hlôh wao.

Jop 25:2

Kră Yang chĕp tơdrong pơgơ̆r păng trŏ kơ hli yom: Kră Yang pơjing tơdrong rơngei hiôk-hian tơ kơpal plĕnh ti.

Jop 26:14

Noh lăng brih tŏ sĕt đĕch tơdrong jang Sư; Tơdrong mă đe roi bơ̆n kơtơ̆ng noh lăp iĕ ioch đĕch mă-lei bu hlôh rơđah jơwa grơ̆m re Mơsêh Mơyang Sư?

Jop 36:26

Trŏ tơpă, Kră Yang 'Bok Kei-Dei Tih-Tin dêh, hloh kơ bơ̆n băt hlôh; Sơnăm Sư arih sot dang yơ, ưh kơ đei bu gơh pơtŏ;

Jop 36:3

Inh chă pơpôi tơdrong gơh hơgei đơ̆ng lơ anih. Wă tơ'bôh Tơ'ngla pơjing inh 'lơ̆ng tơpăt.

Jop 36:5

Kră Yang 'Bok Kei-Dei Tơ'ngla Mơsêh Mơyang ưh kơ đei pơjăm bu. Sư hơgei hlôh wao kloh klĕch.

Jop 37:19

Apinh ih bơtho lu nhôn băt tơdrong wă pơma hăm Kră Yang; Lu nhôn oei măng mu ưh kơ hlôh, wă roi pơdah tơdrong 'nâu liơ.

Jop 37:22

Kră Yang truh đơ̆ng gah yă-nơ̆m lĕch pơchrang rang hơdah Kon bơngai hli tơrơ kơ tơdrong ư-ang rang mơnhal Sư.

Jop 8:3

Kră Yang 'Bok Kei-Dei hăm lah pơm pơđŏng lê̆ tơdrong tơpăt? Dah Tơ'ngla Mơsêh Mơyang Tih Hloh pơm pơglăi lê̆ tơdrong tơpăt?

Jop 9:19

Dah pơlong lăng jơhngơ̆m pran, jei Sư! Tơdah gơnang tơdrong trŏ lăp, bu pơ̆n kêng sư?

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Horiso 62:11

Kră Yang 'Bok Kei-Dei đei khan, thoi âu: Inh kơtơ̆ng 'bar wơ̆t tơdrong mơsêh noh Kră Yang 'Bok Kei-Dei.

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Horiso 65:6

Ih yua tơdrong mơsêh pơjing lu kông gei kơjăp, yua kơ ih tơ̆n păng tơlei tơ̆n pran kơtang;

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Horiso 93:1

Kră Yang pơgơ̆r; Sư hrŭk ư-ang rang mơnhal. Kră Yang hrŭk tơdrong ư-ang rang mơnhal păng tơ̆n tơdrong pran kơtang, tơpă pơjing teh đak kơjăp, ưh kơ đei pơpơ̆.

Horiso 99:4

Pơtao mơsêh mơyang, Sư 'mêm kơ tơdrong tơpăt; Ih pơjing kơjăp tơdrong hơtŏ hơnơ̆ng. Ih sek tơlang hăm tơdrong tơpăt trŏ lăm Jakôp

Bôk Bơthô 3:11

Kră Yang 'Bok Kei-Dei pơjing bơih Sư 'lơ̆ng rŏ ngăl lăm jơ 'năr Sư. Sư kư̆m đei ăn kơ kơ̆l 'ngok kon bơngai băt kơ chăl đơ̆ng rŏng. Mă-lei ưh kơ đei bu kĕ băt hlôh kơ Kră Yang 'Bok Kei-Dei pơm đơ̆ng blŭng-a truh tơ ning-mônh.

Bôk Bơthô 7:24

Dôm, tơdrong hơgei tă kơ ataih jrŭ dêh, kơ̆l 'ngok kon bơngai.

Êsai 45:21

Lê̆ lu sư năm pơđâu băl Ră roi bĕ, pơdah bĕ khan bĕ. Đơ̆ng chăl adrol sơ̆ bu ră roi pơdah tơdrong âu? Bu pơdah tơdrong âu đơ̆ng blŭng-a sơ̆? Hăm trŏ kơ Inh Kră Yang ưh? 'Nguaih kơ Inh ưh kơ đei 'Bok Kei-Dei nai ôh! Ưh kơ đei 'Bok Kei-Dei 'lơ̆ng tơpăt nai păng ưh kơ đei Kră Yang dŏng pơklaih nai yua kơ Inh bơih Kră Yang 'Bok Kei-Dei, ưh kơ đei yang nai dơ̆ng.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Êsêkiên 18:23

Kră Yang khan: Inh 'bôh lu bơngai pơm kơnê̆ lôch Inh hiôk hă? Ưh kơ hiôk ôh wă kơ lu sư tơbral tơdrong kơnê̆ lu sư pơm na đei arih.

Êsêkiên 18:32

Kră Yang khan: Tơpă, Inh ưh kơ hiôk ôh kơ tơdrong lôch mă lu iĕm wă lôch, athei tơbral bĕ wă kơ đei tơdrong arih.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Hêbrơ 12:10

Mĕ 'bă, sư bơtho pơjĭ bơ̆n gô mơ̆ng kơ sư wă, kơplah bơ̆n oei 'lơ̆p. Na 'Bok Kei-Dei bơtho pơjĭ bơ̆n Sư wă tơgŭm bơ̆n tơpă, wă kơ bơ̆n pơm 'lơ̆ng thoi Sư.