Jop 37:22 - Sơ̆p Hlabơar Nơ̆r 'Bok Kei-Dei

²² Kră Yang truh đơ̆ng gah yă-nơ̆m lĕch pơchrang rang hơdah Kon bơngai hli tơrơ kơ tơdrong ư-ang rang mơnhal Sư.

Jop 37:22 ပူးပေါင်းရင်းမြစ်များ

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

Jop 37:21

'Nâu đe ưh kơ pơ̆n lăng rang mơnhal pơchrang đơ̆ng plĕnh. Wă kial tơthu puh pơđông lê̆ hơmơ̆l plĕnh hlăng hơđah hơdong dơ̆ng.

Jop 37:23

Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Jop 40:10

Pơhrôp ih kơdih hăm tơdrong 'lơ̆ng rŏ pran kơtang. Hrŭk iŏk bĕ tơ akâu ih tơdrong ư-ang rang mơnhal.

Horiso 104:1

Ơ bơhngol inh hơri bơnê bĕ kơ Kră Yang! Ơ Kră Yang 'Bok Kei-Dei inh. Ih Tih tơpă. Ih hrŭk boih tơdrong ư-ang păng krưp rŏ tơpă!

Horiso 145:5

Lu sư gô roi gah tơdrong 'lơ̆ng rŏ ư-ang Ih Gah inh gô tơchĕng kơ tơdrong jang hlĭch chrơp Ih.

Horiso 29:4

Nơ̆r Kră Yang kơtang tơpă. Nơ̆r Kră Yang đei mơsêh krưp.

Horiso 66:5

Năm lăng, bĕ dôm tơdrong jang Kră Yang 'Bok Kei-Dei: Tơdrong jang Sư pơm kơ kon bơngai trŏ hli yom tơpă.

Horiso 68:35

Ơ Kră Yang 'Bok Kei-Dei, Ih trŏ boih kơ nhôn hli kơkuh lăm anih 'lơ̆ng rơgoh. Ih Kră Yang 'Bok Kei-Dei ăn tơdrong pran păng mơsêh mơyang kơ kon pơlei Isơrael Ih. Kơkuh bơnê bĕ kơ Kră Yang 'Bok Kei-Dei!

Horiso 76:12

Sư gô hŭt lê̆ tơdrong pơang, đơ̆ng lu yŏng mơng; Pơm kơ lu pơtao lăm teh đak, hli tơrơ kơ Sư.

Horiso 89:8

Ơ Kră Yang 'Bok Kei-Dei Tih Hloh, bu mơsêh thoi Ih? Tơdrong 'lơ̆ng tơpăt Ih oei tăp dăr kơ Ih.

Horiso 93:1

Kră Yang pơgơ̆r; Sư hrŭk ư-ang rang mơnhal. Kră Yang hrŭk tơdrong ư-ang rang mơnhal păng tơ̆n tơdrong pran kơtang, tơpă pơjing teh đak kơjăp, ưh kơ đei pơpơ̆.

Tơdrông Pơđơk 25:23

Kial đơ̆ng yă-nơ̆m ba đak 'mi. Hơpiĕt ayơ roi sa pơma krŭl pơm kơ đe blĕk.

Êsai 2:10

Iĕm mơ̆t bĕ lăm hơgơp tơmo, ôn bĕ akâu iĕm lăm teh, wă weh đơ̆ng anăp tơdrong đei krưp Kră Yang păng tơdrong ư-ang mơsêh mơyang Sư.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Ju 1:25

Thoi noh bĕ bơ̆n ư-ang kơ Sư, yua kơ pôm Sư đĕch Yang sĭt tơpă. Sư pơklaih bơ̆n đơ̆ng tơdrong phak, yua kơ Kră Yang bơ̆n Yêsu Krist lôch tang bơ̆n. 'Bok Kei-Dei boih mơsêh tăp pang mơyang tăp dăr, pơgơ̆r tôm tơdrong đơ̆ng blŭng-a sơ̆ khơ̆ dang ei, truh tơ ning-mônh ưh kơ layơ tôch. A-men.