Jop 37:19 - Sơ̆p Hlabơar Nơ̆r 'Bok Kei-Dei

¹⁹ Apinh ih bơtho lu nhôn băt tơdrong wă pơma hăm Kră Yang; Lu nhôn oei măng mu ưh kơ hlôh, wă roi pơdah tơdrong 'nâu liơ.

Jop 37:19 ပူးပေါင်းရင်းမြစ်များ

Jop 12:3

Mă-lei inh kư̆m hơgei thoi lu iĕm. Inh ưh kơ lŭch kơ lu iĕm ôh; bu mă ưh kơ băt tơdrong iĕm pơma.

Jop 13:3

Mă-lei inh wă pơma hăm Kră Yang Tih Hloh. Inh hơpơi wă roi dŏng kơdih akâu hăm Kră Yang 'Bok Kei-Dei.

Jop 13:6

Apinh iĕm mơ̆ng nơ̆r inh pơma dŏng kơdih, wă kơ iĕm băt inh pơma trŏ. Athei mơ̆ng bĕ mă nhen nơ̆r đơ̆ng 'bơ̆r inh pơma dŏng kơdih.

Jop 26:14

Noh lăng brih tŏ sĕt đĕch tơdrong jang Sư; Tơdrong mă đe roi bơ̆n kơtơ̆ng noh lăp iĕ ioch đĕch mă-lei bu hlôh rơđah jơwa grơ̆m re Mơsêh Mơyang Sư?

Jop 37:20

Inh ưh kơ pơ̆n wă pơma dơnuh hăm Kră Yang? Hăm đei bu wă kơ lôch răm.

Jop 38:2

Bơngai 'nâu bu pơ̆n ưh kơ lui nơ̆r Inh wă pơm. Pơma lu nơ̆r mă ưh kơhlôh kơwao?

Jop 40:4

Inh bơngai ưh kơ yua kiơ liơ inh gơh tơl Kră Yang? Inh iŏk ti đơ̆p 'bơ̆r ưh kơ pơ̆n pơma.

Jop 42:3

Kră Yang jet ih bu ưh kơ băt ưh kơ hlôh kiơ, liơ mă pơ̆n ưh kơ ngeh tơdrong Kră Yang wă pơm. Tơpă inh pơma bơih dôm lu tơdrong inh ưh kơ hlôh. Lu tơdrong hlĭch chrơp dêh inh ưh kơ kĕ kơ hlôh.

Jop 9:14

Thoi noh liơ inh gơh tơl nơ̆r Sư? Inh wă gơh rơih nơ̆r ayơ tơl Sư?

Horiso 139:6

Tơdrong hơgei Ih, inh lăng hlĭch mơsêh tơpă. Kơjung dêh inh mah 'mơn pă truh!

Horiso 73:22

Kơplah noh inh oei kơtul kơwao ưh kơ băt tơdrong kiơ. 'Bơ̆t anăp Ih inh nhen thoi sem brem đĕch.

Rom 8:26

Bơ̆n kơdih ưh kơ gơh, mă-lei đei Yang Bơhngol 'Lơ̆ng tơgŭm bơ̆n. Bơ̆n ưh kơ băt wă krao khan kơ 'Bok Kei-Dei thoi yơ, mă-lei Yang Bơhngol 'Lơ̆ng Sư tơgŭm bơ̆n gơh krao khan hăm đĭ jơhngơ̆m.

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.