Jop 37:16 - Sơ̆p Hlabơar Nơ̆r 'Bok Kei-Dei

¹⁶ Ih hăm băt ưh liơ hơmơ̆l đông kơjăp hơnơ̆ng hơnong? Noh tơdrong jang hlĭch chrơp đơ̆ng Tơ'ngla gơh hơgei tôm tơdrong?

Jop 37:16 ပူးပေါင်းရင်းမြစ်များ

Jop 26:8

Kră Yang mong đak 'mi lăm hơmơ̆l hơ'bơ̆l, Mă-lei hơmơ̆l ưh kơ đei tơhek yua kơ đơ̆ng đak lơ.

Jop 36:29

Hăm đei bu gơh hlôh hơmơ̆l bơlang bơyar. Re jơwa grơ̆m đơ̆ng anih Sư oei?

Jop 36:4

Tơpă inh pơma ưh kơ hơlĕnh ôh; Minh 'nu bơngai gơh hơgei hlôh wao tơpă oei oei hăm lu iĕm.

Jop 37:14

Ơ Jop, mơ̆ng bĕ nơ̆r 'nâu, Athei dơ̆ng hreh bĕ, tơchĕng gah dôm tơdrong jang hlĭch chrơp Kră Yang 'Bok Kei-Dei.

Jop 37:15

Ih hăm băt Kră Yang 'Bok Kei-Dei athei tơtă ăn thoi yơ kơmlat lĕch pơchrang đơ̆ng lăm hơmơ̆l?

Jop 37:17

Liơ hơbĕn ao ih tơtŏ, Kơplah teh oei hreh hơđơ̆ng. Kial đơ̆ng gơal tơthu?

Jop 37:5

Kră Yang 'Bok Kei-Dei ăn kơ grơ̆m re jơwa hlĭch chrơp; Kră Yang pơm dôm tơdrong jang tih-tin, lu bơ̆n ưh kơ kĕ hlôh.

Jop 5:9

Sư pơm dôm tơdrong tih-tin, ưh kơ đei bu hlôh, Tơdrong hlĭch chrơp ưh pă kĕ jô̆.

Horiso 104:24

Ơ Kră Yang, tơdrong jang Ih lơ tơpă. Hăm tơdrong gơh hơgei Ih pơjing tôm tơmam. Kơpal teh 'bĕnh-'bang kơ tơmam Ih.

Horiso 147:5

Kră Yang lu bơ̆n tih tơpă, đei tơdrong mơsêh mơyang. Tơdrong gơh hơgei Sư pă băt dang yơ.

Horiso 78:4

Lu bơ̆n kư̆m ưh kơ ôn dôm tơdrong noh kơ kon sâu lu bơ̆n. Bơ̆n gô roi kơ adrĕch adrung đơ̆ng rŏng dôm tơdrong trŏ hơri bơnê kơ Kră Yang, Tơdrong mơsêh păng tơdrong jang hlĭch chrơp mă Kră Yang đei pơm.

Êsai 40:22

Sư bơih oei kơpal gơwang teh đak âu; lu kon bơngai oei kơpal teh âu nhen thoi lep đĕch. Sư bơlang plĕnh nhen bơlang che; Sư dăng che noh thoi đe wă pơm bơsŭn oei.