Jop 36:9 - Sơ̆p Hlabơar Nơ̆r 'Bok Kei-Dei

⁹ Kră Yang tơbăt ăn kơ lu sư tơdrong lu sư pơm. Dôm tơdrong yoch noh dơ̆ng jơhngơ̆m pơang.

Jop 36:9 ပူးပေါင်းရင်းမြစ်များ

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Jop 15:25

Noh yua kơ sư yơ̆r ti blah plơ̆ Kră Yang 'Bok Kei-Dei, Pơm thoi nuih pran wă tơblah Kră Yang mă Mơsêh Mơyang tih.

Horiso 119:67

Adrol kơ đei tơdrong pơmat-tat inh đĭ jrok boih; Mă-lei dang ei inh wei răk nơ̆r Ih.

Horiso 119:71

Inh đei tơdrong pơmat, trŏ 'lơ̆ng tơpă. Wă kơ inh hŏk iŏk kiơ̆ khôi juăt Ih.

Horiso 5:10

Ơ Kră Yang, phak lu sư bĕ; Ăn kơ lu sư pơ̆k huŏng tơ lăm tơdrong lu sư pơđâu; Pơpuh bĕ lu sư yua kơ tơdrong yoch kơnê̆ lu sư lơ tơpă, Yua kơ lu sư blah Ih.

Horiso 94:12

Ơ Kră Yang, pŭn dêh kơ bơngai bu mă Ih đei bơtho pơhrăm, Păng bơtho ăn khôi juăt Ih kơ sư.

Êsai 59:12

Tơdrong yoch lu nhôn pơm rai lơ 'bơ̆t anăp Ih. Tơdrong yoch lu nhôn roi pơdah, ayăt hăm lu nhôn. Tơdrong yoch kơnê̆ lu nhôn oei oei hăm lu nhôn, păng lu nhôn băt tơdrong yoch kơnê̆ lu nhôn.

Jo 3:49

Thoi noh, Môis iŏk jên wă huai iŏk lu kon kơdră bơngai Isơrael hloh kơ kon kơdră bơngai Lêwi mă huai iŏk boih.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.