Jop 36:26 - Sơ̆p Hlabơar Nơ̆r 'Bok Kei-Dei

²⁶ Trŏ tơpă, Kră Yang 'Bok Kei-Dei Tih-Tin dêh, hloh kơ bơ̆n băt hlôh; Sơnăm Sư arih sot dang yơ, ưh kơ đei bu gơh pơtŏ;

Jop 36:26 ပူးပေါင်းရင်းမြစ်များ

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

Jop 10:5

Ih arih lăp minh 'bar 'năr thoi kon bơngai mơ̆n Dah lăp minh 'bar sơnăm thoi kon bơngai.

Jop 26:14

Noh lăng brih tŏ sĕt đĕch tơdrong jang Sư; Tơdrong mă đe roi bơ̆n kơtơ̆ng noh lăp iĕ ioch đĕch mă-lei bu hlôh rơđah jơwa grơ̆m re Mơsêh Mơyang Sư?

Jop 36:25

Đĭ-đăng bơngai tă kơ 'bôh ngăl boih tơdrong jang noh, Mă-lei oei lăng 'bôh đơ̆ng ataih.

Jop 36:27

Kră Yang hiup iŏk lu đak kơtoh, Sư tuh đak ngom jing 'mi.

Jop 37:23

Kră Yang Kră Yang Tih Hloh, lu bơ̆n ưh kơ gơh năm jê̆. Tơdrong mơsêh Sư tih krưp dêh, tơdrong 'lơ̆ng tơpăt Sư sĭt tơpă ưh kơ đei layơ wă pơjuă bơngai bu.

Jop 37:5

Kră Yang 'Bok Kei-Dei ăn kơ grơ̆m re jơwa hlĭch chrơp; Kră Yang pơm dôm tơdrong jang tih-tin, lu bơ̆n ưh kơ kĕ hlôh.

Horiso 145:3

Kră Yang tih mơng, trŏ kơ bơnê ư-ang tơpă; Tơdrong tih Sư kon bơngai ưh kơ đei gơh pơtŏ pơting.

Horiso 90:2

Adrol kơ kông đak tam mă đei, teh hăm dêh char tam mă jing. Adrol kơ 'măng blŭng truh tơ ning-mônh Ih boih Kră Yang 'Bok Kei-Dei.

I Kor 13:12

Dang ei bơ̆n băt tơdrong 'Bok Kei-Dei ưh kơ nhên ôh, mă-lei ning-mônh bơ̆n gô băt nhên tơpă, kư̆m thoi bơ̆n lăng muh măt đe tơ lăm amĭl mam ưh kơ gan nhên, mă-lei dah bơ̆n lăng tơklă muh măt sư bơ̆n gô băt nhên tơpă yơh. Tơdrong 'Bok Kei-Dei dang ei inh kư̆m ưh kơ hlôh tôm ôh, mă-lei ning-mônh inh gô hlôh tôm, kư̆m thoi 'Bok Kei-Dei hlôh tôm tơdrong inh dang ei mơ̆n.

Hêbrơ 1:12

Mă-lei Ih gơh pơih tŭk thoi đe kuă kơ hrŭk hơbĕn ao so boih. Ih tơplih plĕnh teh 'nao kư̆m lei-lăi thoi đe tơplih hrŭk hơbĕn ao 'nao; Mă sơnăm Ih hơnơ̆ng lei-lăi ưh kơ layơ tôch.”

II Pet 3:8

Ơ lu 'nhŏng oh mă inh 'mêm kơeng, iĕm 'nĕ hiơt kơ tơdrong âu hŏ: Yua kơ 'Bok Kei-Dei Sư Yang, Sư lăng minh năr dang minh-rơbâu sơnăm, minh-rơbâu sơnăm dang lĕ kơ minh năr đĕch. Bơ̆n tơchĕng Sư gô đunh mă Sư lăng ưh kơ đunh ôh.