Jop 36:19 - Sơ̆p Hlabơar Nơ̆r 'Bok Kei-Dei

¹⁹ Mă ih krao apinh dŏng pơklaih kư̆m ưh kơ klaih đơ̆ng pơmat. Dôm tơdrong pran kơtang gơh kĕ ih. Kŭm ưh kơ gơh dŏng pơklaih ih.

Jop 36:19 ပူးပေါင်းရင်းမြစ်များ

Jop 34:20

Ưh kơ tam băt tŏk-bŏk măng, lu sư lôch hloi. Lu sư pơpơ̆ na lôch. Lu bơngai yŏng pơgơ̆r kư̆m lôch, ưh kơ đei đơ̆ng ti kon bơngai ôh.

Jop 36:18

'Nĕ ăn tơdrong blĕk yua kơ lu bơngai pơm kơnê̆ mơdrŏng dui ba ih jrok trong. 'Nĕ kơ puh lăm tơmam đe răt iŏk ih lơ kơnh ih wơ̆l kơ trong.

Jop 36:20

'Nĕ kơ chang gô măng mu, Kơplah kon pơlei pơla đe anhăk ba pă 'bôh đơ̆ng anih sư.

Jop 9:13

Kră Yang 'Bok Kei-Dei ưh kơ đei lê̆ ôh tơdrong Sư hil; Lu bơngai tơgŭm Rahape bon drap ala jơ̆ng Sư.

Horiso 49:7

Ưh kơ đei bu gơh huai iŏk 'nhŏng oh lu sư kơdih.f Kŭm ưh kơ đei bu kĕ ăn kơ Kră Yang 'Bok Kei-Dei tơmam wă huai iŏk.

Tơdrông Pơđơk 10:2

Mŭk tơmam đei đơ̆ng pơm kư̆ kă ưh kơ yua kiơ; Mă-lei đei tơdrong tơpăt gơh klaih đơ̆ng lôch.

Tơdrông Pơđơk 11:21

Ăn kơ ih băt, lu bơngai kơnê̆ ưh kơ lê̆ jor ôh kơ phak; Mă-lei adrĕch lu bơngai 'lơ̆ng tơpăt gô klaih.

Tơdrông Pơđơk 11:4

Mŭk tơmam mơdrŏng ưh kơ yua kiơ lăm năr hil blĕk, Mă-lei đei đon tơpăt pơklaih đơ̆ng tơdrong lôch.

Êsai 2:20

Lăm 'năr 'nei kơnh đe gô klơ̆m ăn kơ kơne, klơ̆m ăn kơ hơmiĕt, lu rup yang păng maih, hu, mă đêl lu sư pơm wă kơkuh.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Ya 5:3

tơmam hu maih iĕm gô đĭ kơ gơsang sa, noh na đe băt kơ iĕm bơngai hưch kơ mŭk tơmam dêh, tơmam iĕm gô hiong đĭ. Gơsang noh kư̆m wă sa akâu iĕm mơ̆n thoi lĕ kơ ŭnh. Iĕm chă mong mŭk tơmam lơ, mă-lei ưh kơ yua kiơ kơlih kơ wă jê̆ truh năr tôch boih.