Jop 35:9 - Sơ̆p Hlabơar Nơ̆r 'Bok Kei-Dei

⁹ Kon bơngai đe pơjuă pơđep trăp dêh ôr krao. Lu sư ôr krao wă kơ dŏng pơklaih đơ̆ng ti lu bơngai pran kơtang.

Jop 35:9 ပူးပေါင်းရင်းမြစ်များ

Jop 12:19

Sư chông ba lu 'bok soi tơ nai, blơ̆ lê̆ lu bơngai pơm 'bok soi pơgơ̆r đunh.

Jop 20:19

Yua kơ sư sa pơgâm pă lăng bơngai dơnuh hoh, Tơgar iŏk hnam mă sư ưh kơ đei man.

Jop 24:12

Đơ̆ng lăm pơlei đei nơ̆r bơngai wă lôch ôr tơngưih Lu bơngai rơka ôr hơpơi krao dŏng. Mă-lei Kră Yang 'Bok Kei-Dei ưh kơ jô̆ noh tơdrong yoch lu bơngai pơm kơnê̆.

Jop 34:28

Pơm kơ nơ̆r lu bơngai dơnuh hin ôr krao kơtơ̆ng truh tơ Kră Yang. Păng Kră Yang kơtơ̆ng nơ̆r bơngai pơmat-tat ôr krao.

Jop 35:8

Tơdrong kơnê̆ ih lăp gơh pơrăm bơngai thoi ih, Tơdrong 'lơ̆ng tơpăt ih gơh tơgŭm kơ kon bơngai đĕch.

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Horiso 10:15

Gơ̆ bĕ kơkŏng ti lu bơngai kơnê̆, păng pơrăm tơdrong kơnê̆ lu bơngai yoch, dĭng pă 'bôh 'bơ̆t anăp Ih.

Horiso 12:5

Yua kơ đe pơjuă lu bơngai răm-'băm păng lu dơnuh hin ôr krao, Kră Yang khan: “Dang ei Inh gô iung, Inh gô ăn kơ lu sư oei hiôk-hian kiơ̆ thoi lu sư krao apinh.”

Horiso 43:2

Ih boih Kră Yang Kră Yang 'Bok Kei-Dei! Ih Tơ'ngla dŏng pơklaih inh. Liơ Ih achăng lê̆ inh? Liơ inh oei ơh sơ'ngon thoi âu? Yua kơ lu ayăt kơ inh oei pơjuă inh.

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Le 22:23

Tơdah lu iĕm pơm kơnê̆ kơ sư, na sư ôr krao truh tơ Inh, sĭt Inh gô kơtơ̆ng nơ̆r sư krao;

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Le 3:9

Nơ̆r krao ôr đơ̆ng kon pơlei Isơrael kơtơ̆ng truh tơ Inh păng Inh 'bôh boih kon pơlei Êyiptơ pơgŏ pơđep lu sư thoi yơ;

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Both 24:15

Iĕm athei apah ăn kơ bơngai noh lăm năr sư jang hloi adrol kơ 'năr mơ̆t; yua kơ bơngai dơnuh noh sư chang kơ tơmam apah noh, kơnh hli kơ bơngai noh krao ôr truh tơ Kră Yang na lu iĕm gô pŭ yoch.