6 Tơdah ih pơm yoch, đei 'bơm kiơ kơ Kră Yang 'Bok Kei-Dei? Tơdah ih pơm yoch rai dêh, ih gơh pơm kiơ hăm Kră Yang?
Ơ Kră Yang mă wei-lăng kon bơngai, tơdah inh đei pơm yoch, inh hăm pơm kiơ kơ Ih? Liơ Ih pơjing inh pơm tơmam Ih prah pơđam? Liơ inh tă jing bơngai pơhiơ̆k Ih?
Mă-lei bơngai bu sơngah kơ Inh, gô pơrăm bơhngol sư kơdih; Bơngai bu areh kơ Inh, chă tơdrong lôch.
Tơdah ih gơh hơgei, đei yua kơ ih kơdih; Tơdah ih blei hiap, sĭt ih gô pŭ hơngiap kơdih.
Kră Yang khan: “Hăm trŏ lu sư tơblĕk Inh? Hăm trŏ lu sư pơjĭ lu sư kơdih, pŭ iŏk tơdrong mơlâu kơdih?”