Jop 34:8 - Sơ̆p Hlabơar Nơ̆r 'Bok Kei-Dei

⁸ Sư pơm buăl juăt hăm bơngai pơm kơnê̆ păng năm hơdai hăm bơngai hơlĕnh pơdăr.

Jop 34:8 ပူးပေါင်းရင်းမြစ်များ

Jop 11:3

Ih pơma kư̆ kă hăm pơm kơ đe ngăn đĕch? Wă ưh kơ đei bu chrih kơ ih, mưh ih chă pơjăm đe.

Jop 15:5

Tơdrong yoch ih bơtho ăn kơ 'bơ̆r ih pơma, pơm kơ ih rơih iŏk hơpiĕt lu bơngai hơlĕnh bơkuĕch.

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Jop 22:15

Ih oei wă yak rok kiơ̆ trong so, Trong mă lu bơngai kơnê̆ juăt kơ rok hă?

Jop 34:9

Yua kơ Jop khan: ‘Kon bơngai ưh kơ đei yua kiơ, Kơplah sư chơchă tơdrong hiôk chơt lăm Kră Yang 'Bok Kei-Dei.’

Horiso 1:1

Pŭn dêh kơ bơngai bu, ưh kơ kiơ̆ trong lu bơngai kơnê̆, kư̆m ưh kơ oei lăm trong lu bơngai yoch, kư̆m ưh kơ ngôi hơdai hăm lu pơjăm đe;

Horiso 26:4

Inh ưh kơ ngôi hơdai hăm lu bơngai hơlĕnh pơdăr, Kŭm ưh kơ wă pơgơ̆p hơdai hăm lu bơngai chă pơm pơrŏ 'nguaih.

Horiso 50:18

Tơdah ih 'bôh bơngai tơtông, na lăp đon hơdai sư.d Ih wang lăp đon kiơ̆ bơngai pơm pơyô kư̆ kă.

Tơdrông Pơđơk 1:15

Ơ dăm, 'nĕ kơ năm kiơ̆ lu sư ôh, Jơ̆ng ih weh bĕ, 'nĕ kơ yak kiơ̆ trong lu sư.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Tơdrông Pơđơk 2:12

Wă dŏng ih klaih đơ̆ng trong pơm kơnê̆, Klaih đơ̆ng lu bơngai pơma hơlĕnh pơdăr,

Tơdrông Pơđơk 4:14

'Nĕ kơ mơ̆t kiơ̆ ôh lăm trong lu bơngai pơm kơnê̆, Păng 'nĕ kơ yak năm lăm trong lu bơngai pơm kư̆ kă.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.