Jop 34:27 - Sơ̆p Hlabơar Nơ̆r 'Bok Kei-Dei

²⁷ Yua kơ lu sư weh achăng lê̆ Kră Yang, Ưh kơ wă lăng ôh trong gơlong Kră Yang.

Jop 34:27 ပူးပေါင်းရင်းမြစ်များ

II Ho 28:6

lăm minh năr Pêka kon drŏ-nglo Rêmalia, đei pơlôch minh-hrĕng 'bar-jĭt rơbâu 'nu linh bơngai Juđa, tă kơ lu linh mă nuih kơtang ngăl, yua kơ lu sư achăng lê̆ Kră Yang 'Bok Kei-Dei 'bok lu sư.

Jop 21:14

Lu sư pơma hăm Kră Yang 'Bok Kei-Dei khan: “Weh ataih kơ lu nhôn, lu nhôn ưh kơ wă băt trong gơlong Ih.

Horiso 107:43

Lu bơngai mă hlôh wao gơh hơgei 'blŏk kơ tơdrong 'nâu. Păng tơchĕng răk tơdrong 'mêm Kră Yang.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 28:5

Yua kơ lu sư ưh kơ wă mơ̆ng kơ tơdrong jang Kră Yang. Mă đơ̆ng ti Kră Yang pơm. Na Kră Yang gô pơrăm lê̆ lu sư, Ưh pă pơdơ̆ng ming lu sư dơ̆ng.

Tơdrông Pơđơk 15:10

Phak kơtang tơpă bơngai bu kuă kơ kiơ̆ trong tơpăt; Bơngai areh kơ tơdrong teh bơtho gô lôch.

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Êsai 1:3

Rơmo băt kơ tơ'ngla, aseh băt kơ bơng 'nhĕt tơ'ngla sư, mă-lei bơngai Isơrael ưh kơ băt, kon pơlei Inh ưh kơ hlôh ôh.”

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Jang 15:38

Mă-lei Pôl tơchĕng khan: “Ưh kơ trŏ kơ anhăk ba sư, yua kơ sư achăng lê̆ ba tơ dêh char Pamphili sơ̆ jing pă đei kiơ̆ ba bơtho tơdrong 'Bok Kei-Dei tơ pơlei nai.”

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.