Jop 34:25 - Sơ̆p Hlabơar Nơ̆r 'Bok Kei-Dei

²⁵ Yua kơ Kră Yang băt tôm tơdrong jang lu sư pơm. Teh lu sư kơmăng păng lu sư pơchah đĭ hloi.

Jop 34:25 ပူးပေါင်းရင်းမြစ်များ

Jop 34:11

Kră Yang apah kon bơngai kiơ̆ kơ tơdrong jang lu sư pơm, Pơm kơ rim 'nu bơngai kiơ̆ kơ lu sư oei arih sa.

Jop 34:20

Ưh kơ tam băt tŏk-bŏk măng, lu sư lôch hloi. Lu sư pơpơ̆ na lôch. Lu bơngai yŏng pơgơ̆r kư̆m lôch, ưh kơ đei đơ̆ng ti kon bơngai ôh.

Jop 36:20

'Nĕ kơ chang gô măng mu, Kơplah kon pơlei pơla đe anhăk ba pă 'bôh đơ̆ng anih sư.

Jop 38:13

Athei sư rôp kơjăp lu mum teh, Gơgŭ pơpuh bơngai kơnê̆ lĕch đơ̆ng noh.

Horiso 33:15

Sư pơjing jơhngơ̆m kon bơngai, Sư lăng đĭ dôm tơdrong lu sư pơm.

Tơdrông Pơđơk 12:7

Đe teh tơhuŏng lu bơngai kơnê̆ lu sư gô ưh pă đei. Mă-lei lu bơngai tơpăt oei kơjăp.

Hơri Hiôk 3:8

Đĭ-đăng lu sư chĕp đao gưm ngăl. Păng hơgei juăt kơ tơblah. Rim 'nu lu sư kiĕo đao tơ kơiĕng, Wă kơ răng hli kơ hơyăt kơplah măng mu.

Êsai 15:1

Nơ̆r khan lê̆ adrol gah Môap, ô, pơlei tih Ar lăm char Môap pơchah răm lăm minh măng. Lăm minh măng pơlei Kir lăm char Môap pơchah pơchek đĭ!

Êsai 66:18

Gah Inh, Inh băt tơdrong jang păng đon lu sư tơchĕng, Inh gô năm wă krao đĭ-đăng lu dêh char păng rim nơ̆r pơma: Lu sư gô truh păng 'bôh tơdrong ư-ang Inh.

Hôsia 7:2

Mă-lei lu sư ưh kơ tơchĕng ôh kơ Inh oei 'blŏk kơ đĭ-đăng tơdrong kơnê̆ lu sư pơm. Tơdrong yoch lu sư pơm wang tăp dăr kơ lu sư, tơdrong lu sư pơm oei 'bơ̆t anăp Inh.

Am 8:7

Kră Yang pao anăn sư mă Jakôp ư-ang, na pơkăm pơkă nơ̆r 'nâu: Sĭt inh ưh kơ đei layơ hiơt dôm tơdrong mă lu sư đei pơm!

I Tes 5:2

Mă iĕm kư̆m băt nhên mơ̆n tơdrong ưh kơ đei bu băt Kră Yang Yêsu wă jur layơ, kư̆m thoi bơ̆n ưh kơ băt kơ bơngai wă tơtông klĕ sư wă truh măng ayơ.

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.