Jop 34:22 - Sơ̆p Hlabơar Nơ̆r 'Bok Kei-Dei

²² Ưh kơ đei măng mu găm măng klăm hơ'bơ̆l ayơ ăn kơ bơngai pơm kơnê̆ gơh ôn akâu.

Jop 34:22 ပူးပေါင်းရင်းမြစ်များ

II Sam 12:12

Ih pơm tơdrong noh chă klĕnh ôn, mă-lei Inh gô pơm tơdrong 'nâu hơdah kơ'năr 'bơ̆t anăp đĭ-đăng bơngai Isơrael.”

Jop 10:14

Ih răp lăng inh hăm đei pơm yoch. Ih ưh kơ mơnat ăn tơdrong yoch inh.

Jop 10:21

Adrol kơ inh năm ưh pă đei brŏk dơ̆ng, năm tơ anih măng mu găm, măng klăm hơ'bơ̆l.

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Jop 12:22

Sư tơ'bôh ăn kơ dôm tơdrong hlơp pơm lăm măng mu. Pơm ăn kơ tơdrong pơm lăm măng mu jing hơdah đe 'bôh bang.

Jop 22:13

Na ih khan: “Kră Yang 'Bok Kei-Dei băt kiơ đăi? Liơ Kră Yang sek tơlang gơh 'bôh lăm măng mu hơ'bơ̆l 'noh?

Jop 24:17

Gah lu sư măng mu noh kơ 'năr. Yua kơ lu sư pơm buăl juăt hăm tơdrong hli lăm măng mu gueo

Jop 3:13

Dah inh lôch dang ei inh 'bĭch hiôk bơih, inh tep păng pơdơh hiôk.

Jop 3:5

Rŏ kơ măng mu păng hơmơ̆l tơdrong lôch iŏk lê̆ năr noh; rŏ kơ hơmơ̆l gom lê̆ sư, rŏ kơ măng mu kơ'năr pơm kơ sư hli.

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Jop 38:17

Hăm đei bu tơ'bôh kơ ih 'măng jang pơlei lôch? Ih tam 'bôh 'măng pơlei măng mu gueo?

Horiso 5:5

Lu bơngai pơang ưh kơ kĕ dơ̆ng 'bơ̆t anăp Ih ôh; Ih areh kơ đĭ-đăng lu bơngai pơm kơnê̆.

Tơdrông Pơđơk 10:29

Trong Kră Yang kơđông kơjăp kơ bơngai tơpăt. Mă-lei đei tơdrong răm lăm lu bơngai pơm kơnê̆.

Êsai 29:15

Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Êsai 9:2

Kră Yang ăn kơ kon pơlei âu chek lar rai lơ păng pơthim ăn kơ lu sư chơt hiôk. Rim 'nu chơt hiôk 'bơ̆t anăp Kră Yang, thoi đe chơt hiôk kơ bơyan yuă 'ba, thoi lu bơngai jreo hiôk klah song băl tơmam đơ̆ng blah tơgar iŏk.

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Luka 13:27

Na Inh tơl tơwih dơ̆ng: ‘Inh khan kơ iĕm tơpă, Inh ưh kơ băt kơ lu iĕm ôh. Weh tơ nai năm, iĕm bơngai kơnê̆ ngăl.’

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.