Jop 34:21 - Sơ̆p Hlabơar Nơ̆r 'Bok Kei-Dei

²¹ Măt Kră Yang 'Bok Kei-Dei răp lăng tơ trong kon bơngai, Sư lăng 'bôh dôm yak.

Jop 34:21 ပူးပေါင်းရင်းမြစ်များ

Bl 16:13

Hơgar anăn Kră Yang mă đei pơma hăm sư thoi âu: “Ih boih Kră Yang 'Bok Kei-Dei mă 'bôh inh,” yua kơ sư khan: “Inh 'bôh boih Kră Yang 'Bok Kei-Dei mă 'bôh inh.”

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 10:4

Ih đei măt thoi kon bơngai hă, lăng 'bôh thoi kon bơngai lăm teh đak?

Jop 11:11

Sư băt kơ lu bơngai hơlĕnh, lăng 'bôh đĭ tơdrong yoch, Lei Sư ưh kơ băt hơđăl hă?

Jop 13:16

Đơ̆ng tơdrong 'noh bơih wă dŏng pơklaih inh. Yua kơ lu bơngai ưh kơ lui ưh kơ pơ̆n năm 'bơ̆t anăp Sư.

Jop 14:16

Ih gô jô̆ dôm kơnao jơ̆ng inh yak năm. Mă-lei ưh pă jô̆ đêl yoch inh pơm.

Jop 24:23

Kră Yang lê̆ lu sư arih hiôk hơđơ̆ng. Măt Kră Yang oei răp lăng trong lu sư

Jop 31:4

Hăm trŏ Sư 'bôh trong inh yak, Păng jô̆ dôm inh yak nơnăm?

Horiso 139:23

Ơ Kră Yang 'Bok Kei-Dei, apinh Ih lăng lăng inh păng băt kơ jơhngơ̆m inh. Pơlong lăng inh bĕ păng băt kơ tơdrong tơchĕng inh;

Horiso 33:15

Sư pơjing jơhngơ̆m kon bơngai, Sư lăng đĭ dôm tơdrong lu sư pơm.

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Tơdrông Pơđơk 15:3

Măt Kră Yang 'bôh jơ̆p-jang anih, Oei lăng lu bơngai kơnê̆ păng lu bơngai 'lơ̆ng.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Je 32:19

Ih đei tơdă tih, mơsêh mơyang gơh pơm tôm tơdrong. Măt Ih lăng 'bôh đĭ-đăng kơ trong kon bơngai. Ih phak apah kơ rim 'nu kiơ̆ tơdrong arih sa sư păng kiơ̆ đêl tơdrong jang lu sư pơm.

Am 9:8

Sĭt măt Kră Yang oei răp lăng kơpal teh đak yoch âu păng inh gô pơrăm sư đơ̆ng kơpal teh âu, mă-lei inh ưh kơ pơlôch đĭ hnam Jakôp, Kră Yang khan thoi noh.