Jop 34:20 - Sơ̆p Hlabơar Nơ̆r 'Bok Kei-Dei

²⁰ Ưh kơ tam băt tŏk-bŏk măng, lu sư lôch hloi. Lu sư pơpơ̆ na lôch. Lu bơngai yŏng pơgơ̆r kư̆m lôch, ưh kơ đei đơ̆ng ti kon bơngai ôh.

Jop 34:20 ပူးပေါင်းရင်းမြစ်များ

Jop 12:19

Sư chông ba lu 'bok soi tơ nai, blơ̆ lê̆ lu bơngai pơm 'bok soi pơgơ̆r đunh.

Jop 27:20

Tơdrong hli krưp truh tơ lu sư nhen thoi đak lơ̆p; Kial hơbŭt kơmăng puh pơđông lê̆ lu sư.

Jop 34:25

Yua kơ Kră Yang băt tôm tơdrong jang lu sư pơm. Teh lu sư kơmăng păng lu sư pơchah đĭ hloi.

Jop 36:20

'Nĕ kơ chang gô măng mu, Kơplah kon pơlei pơla đe anhăk ba pă 'bôh đơ̆ng anih sư.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Êsai 30:13

Na tơdrong yoch lu iĕm nhen thoi dur kơjung đĭ hơđang pơchah wă jê̆ păk păng gô hơlih răm hĕch hoch, ưh kơ tam băt.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 37:38

Minh năr noh sư oei kơkuh lăm hnam yang sư Nisrŏk, na kon drŏ-nglo sư Adrammelek păng Sarêsar iŏk đao 'bet pơlôch sư, đang kơ noh bre sư kơdâu ôn tơ dêh Ararat, kon drŏ-nglo sư Êsarhađôn pơgơ̆r tơplih sư.

Êsai 40:23

Sư bơih pơm kơ lu yŏng pơgơ̆r jing tơdrong kơ đei păng lu Kră pơgơ̆r tơ kơpal teh âu jing ưh kơ đei yua.

Da 2:34

Pơtao oei lăng pơglăn tơ rup man noh dĭng truh tơ đei minh pôm tơmo ưh kơ trŏ đơ̆ng ti kon bơngai klơ̆m, năm hơtat tơ tơpang jơ̆ng mă man păng bơsei hăm teh lơ̆n noh păng jơ̆ng noh pơchah đĭ.

Da 5:30

Lăm măng noh hloi pơtao Belsatsar bơngai Kalđê đe pơlôch.

Da 8:25

Sư đei tơdrong gơh pơm hơlĕnh pơdăr sư đei jơnei tih. Lăm jơhngơ̆m sư kơdih pơm kơ sư jing tih păng kơplah lu kon pơlei oei hiôk-hian, sư gô pơlôch lơ bơngai; sư iung blah lu pơtao kơ lu pơtao, mă-lei đe gô pơrăm lê̆ sư ưh kơ trŏ đơ̆ng ti kon bơngai pơrăm.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Mathiơ 25:6

“Truh tŏk-bŏk măng na đei nơ̆r krao 'bơ̆r re khan: ‘Bơngai mă 'nao iŏk akăn truh boih, năm jah kiơ̆ sư bĕ.’

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

I Tes 5:2

Mă iĕm kư̆m băt nhên mơ̆n tơdrong ưh kơ đei bu băt Kră Yang Yêsu wă jur layơ, kư̆m thoi bơ̆n ưh kơ băt kơ bơngai wă tơtông klĕ sư wă truh măng ayơ.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

I Sam 26:10

Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,