Jop 34:19 - Sơ̆p Hlabơar Nơ̆r 'Bok Kei-Dei

¹⁹ Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Jop 34:19 ပူးပေါင်းရင်းမြစ်များ

II Ho 19:7

Thoi noh, na hli yom bĕ kơ Kră Yang athei sek tơlang mă 'lơ̆ng, yua kơ Kră Yang lu bơ̆n Sư tơpăt, ưh kơ mơ̆t minh pah, ưh kơ đei pơdê bu kư̆m ưh kơ đei iŏk jên đe răt.”

Jop 10:3

Ih hăm lăp wă pơjuă pơrăm inh, wă achăng lê̆ inh đơ̆ng ti Ih pơjing, Na hiôk iŏk tơdrong lu bơngai pơm kơnê̆ wă pơm hă?

Jop 12:19

Sư chông ba lu 'bok soi tơ nai, blơ̆ lê̆ lu bơngai pơm 'bok soi pơgơ̆r đunh.

Jop 12:21

Sư tuh tơdrong chhŭr nuih kơpal lu bơngai tih mơng. Yaih tơlei tơ̆n đơ̆ng lu bơngai pran.

Jop 13:10

Sư gô hil phak iĕm tơpă. Tơdah iĕm oei pơdê Sư, mă khan hlơp lăm jơhngơ̆m.

Jop 13:8

Iĕm hăm wă pơdê Sư? Iĕm wă pơma dŏng Kră Yang 'Bok Kei-Dei ah?

Jop 31:15

Hăm trŏ Tơ'ngla pơjing inh lăm klak mĕ inh, kư̆m pơjing lu sư hai? Hăm trŏ lăp minh Kră Yang 'Bok Kei-Dei đĕch pơjing kơ lu yŏng păng lu đĭch?

Jop 32:21

Inh ưh kơ đei 'mêm kơ mah kah kơ hu ôh, Kŭm ưh kơ đei pôk hơtŏk bơngai ayơ.

Jop 34:18

Kră Yang chrih khan kơ pơtao: “Ih tơdrong kơ đei.” Păng khan kơ lu bơngai pơgơ̆r: “Bơngai pơm kơnê̆.”

Jop 36:19

Mă ih krao apinh dŏng pơklaih kư̆m ưh kơ klaih đơ̆ng pơmat. Dôm tơdrong pran kơtang gơh kĕ ih. Kŭm ưh kơ gơh dŏng pơklaih ih.

Le 30:15

Kơplah iĕm pơyơ̆r tơmam 'nâu ăn kơ Kră Yang wă kơ huai tơdrong arih kơdih, lu bơngai mơdrŏng ưh kơ ăn pơhloh, kơ lu bơngai dơnuh kư̆m ưh kơ gơh ăn hơtuch kơ minh puăt seikơl mơ̆n.

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 22:2

Bơngai mơdrŏng bơngai dơnuh kư̆m lei-lăi. Bre sư đơ̆ng Kră Yang pơjing ngăl.

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Êsai 3:14

Kră Yang sek tơlang lu bơngai kră păng lu kră pơgơ̆r kon pơlei Sư khan: “Lu iĕm luăn sa bơih pơgar hơmu. Tơtông iŏk tơmam lu bơngai dơnuh oei tơ lăm hnam lu iĕm.

Lêwi 19:15

Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Jang 10:34

Na Pêtrôs pơma thoi âu: “Dang ei inh băt tơpă boih 'Bok Kei-Dei jô̆ đĭ-đăng bơngai lei-lăi đĕch.

Rom 2:11

Tơdrong 'Bok Kei-Dei 'mêm kơ kon bơngai lei-lăi đĕch, ưh kơ phara ôh.

I Kor 1:28

păng 'Bok Kei-Dei rơih iŏk boih lu bơngai mă pă jing jat pă-tat tơdrong wă pơthuơ lu bơngai pơm tih pơm yŏng.

Galati 2:6

Lu bơngai đe pôk pơm tih pơgơ̆r bơngai lui, inh băt mơ̆n lu sư oei hơdai Yêsu sơ̆, mă-lei 'Bok Kei-Dei pơgơ̆p jơhngơ̆m đon lu nhôn lei-lăi đĕch, lu sư ưh kơ đei wă ming tơplih tơdrong inh bơtho ôh.

Êphêsô 6:9

Ơ lu bơngai yŏng tơ'ngla wei lu bơngai đĭch, iĕm kư̆m pơm mă 'lơ̆ng kơ lu đĭch iĕm; mă sư ưh kơ chu 'nĕ kơ hil kơ sư dêh păng 'nĕ kơ tôn teh sư mơnat kơ sư mơ̆n. Mă iĕm bơngai yŏng tơ'ngla sư, mă sư bơngai đĭch iĕm, đĭ-đăng kơ bơ̆n đei minh 'nu Yŏng tih hloh kơ đĭ-đăng, Sư oei tơ kơpal plĕnh ti. Sư lăng đĭ-đăng bơngai lei-lăi đĕch ưh kơ đei phara kiơ ôh.

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Kôlôsê 3:25

Bơngai bu ưh kơ chu, sư wă pơm kơnê̆, 'Bok Kei-Dei kư̆m pơm tơwih kơ sư mơ̆n, yua kơ 'Bok Kei-Dei lăng kon bơngai lei-lăi đĕch.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.