Jop 34:15 - Sơ̆p Hlabơar Nơ̆r 'Bok Kei-Dei

¹⁵ Đĭ-đăng lu sĕch akar gô lôch hơdai. Păng kon bơngai brŏk tơ 'mui teh.

Jop 34:15 ပူးပေါင်းရင်းမြစ်များ

Bl 3:19

Ih athei jang lĕch đak bơuh bơang tơ klĕng ih 'mơ̆i na đei sa,d dĭng truh tơ năr ih brŏk tơ teh dơ̆ng, teh mă đêl man ih sơ̆, yua kơ ih đơ̆ng 'mui teh, ih gô brŏk tơ 'mui teh.”

Bl 7:21

Đĭ-đăng dôm lu adrĕch sĕch akar arih kơpal teh lôch glơ̆k, mă lu sem păr, mă lu kon sem dơrong, kon sem bri, mă kon hơdrông kơep lep-ler păng đĭ kon bơngai.

II Sam 14:14

Đĭ-đăng lu bơ̆n bu bu kư̆m lôch, thoi tuh đak tơ teh, ưh kơ gơh chup iŏk dơ̆ng. Mă-lei Kră Yang 'Bok Kei-Dei ưh kơ đei iŏk lê̆ tơdrong arih bơngai mă hơmet wă ăn bơngai đơ̆ng jăk wih brŏk.

Jop 10:9

'Blŏk bĕ kơ Ih man pơjing inh thoi đe man gŏ teh; Lei ih wă pơdrâu inh tơ 'mui teh dơ̆ng hă?

Jop 30:23

Inh băt tơpă Ih wă ba inh tơ tơdrong lôch. Anih pơkă wă 'măn kơ lu bơngai arih.

Jop 34:16

Tơdah ih đei tơdrong hlôh hơdah, apinh ih mơ̆ng tơdrong 'nâu. Pơgling đon mơ̆ng bĕ nơ̆r inh pơma.

Jop 9:22

Đĭ-đăng bơngai lei-lăi đĕch; na inh khan, Sư pơrăm bơngai tơpăt hăm bơngai pơm kơnê̆.

Horiso 104:29

Layơ Ih ôn muh măt, lu sư rŭng răng. Layơ Ih pơdrâu kial dui jơhngơ̆m. Lu sư lôch păng brŏk tơ 'mui teh.

Bôk Bơthô 12:7

Păng brŏk tơ teh bơhngol wơ̆t brŏk tơ Kră Yang 'Bok Kei-Dei tơ'ngla mă pơjing sư.

Êsai 27:4

Inh ưh kơ hil ôh mă-lei tơdah sư đei jơla bơmrôm păng lu jơla hro 'bơ̆t anăp Inh. Inh gô blah lu sư, Inh gô soh lu sư lăm ŭnh hơdai.

Êsai 57:16

Inh ưh kơ wă jô̆ yoch ling-lang ôh, kư̆m ưh kơ hil mĭl ling-lang mơ̆n, hli kơ kơnh gô rơdu bơhngol păng kial dui jơhngơ̆m kon bơngai mă Inh đei pơjing bơih kư̆m hiong,