Jop 33:27 - Sơ̆p Hlabơar Nơ̆r 'Bok Kei-Dei

²⁷ Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Jop 33:27 ပူးပေါင်းရင်းမြစ်များ

Bl 16:13

Hơgar anăn Kră Yang mă đei pơma hăm sư thoi âu: “Ih boih Kră Yang 'Bok Kei-Dei mă 'bôh inh,” yua kơ sư khan: “Inh 'bôh boih Kră Yang 'Bok Kei-Dei mă 'bôh inh.”

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 34:32

Tơdrong kiơ inh ưh kơ 'bôh, apinh Kră Yang bơtho tơ'bôh ăn kơ inh; Tơdah inh đei pơm kơnê̆, inh gô ưh pă pơm dơ̆ng?”

Jop 34:9

Yua kơ Jop khan: ‘Kon bơngai ưh kơ đei yua kiơ, Kơplah sư chơchă tơdrong hiôk chơt lăm Kră Yang 'Bok Kei-Dei.’

Jop 7:20

Ơ Kră Yang mă wei-lăng kon bơngai, tơdah inh đei pơm yoch, inh hăm pơm kiơ kơ Ih? Liơ Ih pơjing inh pơm tơmam Ih prah pơđam? Liơ inh tă jing bơngai pơhiơ̆k Ih?

Horiso 103:10

Sư huay pơm kơ lu bơ̆n kiơ̆ thoi yoch lu bơ̆n ôh; Kŭm ưh kơ hil 'mong kiơ̆ kơ tơdrong kơnê̆ lu bơ̆n pơm boih.

Horiso 11:4

Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

Horiso 119:128

Yua kơ thoi noh, inh lăng đĭ-đăng nơ̆r Ih bơtho tơtă trŏ ngăl. Inh areh kơ trong tơdrong hơlĕnh.

Horiso 14:2

Kră Yang 'Bok Kei-Dei nger lăng đơ̆ng plĕnh ti tơ kon bơngai. Wă lăng hăm đei bu gơh băt. Chơchă Kră Yang 'Bok Kei-Dei ưh?

Tơdrông Pơđơk 15:3

Măt Kră Yang 'bôh jơ̆p-jang anih, Oei lăng lu bơngai kơnê̆ păng lu bơngai 'lơ̆ng.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Je 2:8

Lu 'bok soi ưh pă jet: ‘Tơ yơ Kră Yang?’ Lu 'bok bơtho khôi juăt ưh pă băt kơ Inh dơ̆ng. Lu bơngai pơgơ̆r blah Inh. Lu 'bok khan lê̆ adrol yua anăn yang Baal na khan lê̆ adrol, kiơ̆ lu yang nai ưh kơ đei yua kiơ.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Êsêkiên 14:23

Lu sư gô pơlung ih, ih gô 'bôh tôm tơdrong arih sa lu sư, ih gô băt tôm tơdrong Inh hlôi pơm hăm lu sư ưh kơ sĭ tơdrong kơđei ôh mă Inh đei pơm boih hăm lu sư. Kră Yang Tih Hloh khan thoi noh.”

Jo 12:11

Arôn khan kơ Môis: Ô, yŏng inh, apinh 'nĕ tơpŭ tơ nhi tơdrong yoch mă nhi pơm kơtul, tơdrong yoch mă nhi pơm ưh kơ hlôh kơwao mă đei pơm boih.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Rom 7:16

Inh băt dôm tơdrong juăt 'Bok Kei-Dei pơkă trŏ tơpă, rŏ kuă kơ pơm yoch mă-lei oei pơm.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.