Jop 33:25 - Sơ̆p Hlabơar Nơ̆r 'Bok Kei-Dei

²⁵ Na akâu sĕch akar sư rơmuăn nhen thoi oei 'lơ̆p; Jơhngơ̆m pran sư hơlơ̆k dơ̆ng thoi oei mơlôh.

Jop 33:25 ပူးပေါင်းရင်းမြစ်များ

II Pot 5:14

Na Naaman jur hĭ lăm đak krong Jôrđăn păng môch tơpơh wơ̆t kiơ̆ thoi Êlisê bơngai mă 'Bok Kei-Dei yua noh athei sư. Sư klaih hloi kơtă ei, păng akar sư jing lei-lăi dang thoi so dơ̆ng, akar sư thoi akar nge.

Jop 33:24

Mơnat kơ sư na apinh lung Kră Yang 'Bok Kei-Dei khan: ‘Dŏng pơklaih sư wă huay kơ huŏng lăm sơlŭng jrŭ, inh chă 'bôh bơih trong huai iŏk.’

Jop 33:26

Sư krao apinh Kră Yang 'Bok Kei-Dei, na Kră Yang tơl tơwih. Sư kơkuh kơ Kră Yang hăm tơdrong chơt hiôk. Yua kơ Kră Yang huai iŏk sư.

Jop 42:16

Đơ̆ng rŏng kơ 'noh, Jop oei arih minh-hrĕng puăn-jĭt sơnăm dơ̆ng; sư 'bôh lu kon sâu i sâu ach, truh tơ puăn jơhnơr.

Horiso 103:5

Sư ăn kơ hơlŏng ih hrăp jơnap. Hăm tơmam sa 'lơ̆ng, sơnăm hơmuh hơmŏng ih wih 'nao dơ̆ng thoi Klang.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Both 34:7

Môis lôch, kơplah sư đei minh-hrĕng 'bar-jĭt sơnăm; măt sư oei hơdah 'lơ̆ng, jơhngơ̆m sư oei pran.