Jop 33:22 - Sơ̆p Hlabơar Nơ̆r 'Bok Kei-Dei

²² Bơhngol truh bơih 'bơ̆t jê̆ sơlŭng jrŭ. Tơdrong arih oei gô yang lôch năm iŏk.

Jop 33:22 ပူးပေါင်းရင်းမြစ်များ

II Sam 24:16

Linh jang 'lơ̆ng chro ti sư tơ gah pơlei Jêrusalem wă pơrăm lê̆ pơlei, mă-lei Kră Yang ưh pă wă pơmat lu sư dơ̆ng, na Sư khan kơ linh jang 'lơ̆ng mă oei pơrăm kon pơlei pơla: “Tôm boih! Dui ti ih brŏk bĕ!” Kơplah noh linh jang 'lơ̆ng Kră Yang oei 'bơ̆t dơnih pơjuă 'ba, Arauna, bơngai Jêbus.

Jop 15:21

Sư kơtơ̆ng nơ̆r ôr hli ling-lang lăm đon; kơplah oei hiôk-hian, lu bơngai chă pơlôch pơrăm truh.

Jop 17:1

Tơdrong arih inh wă tôch; khei năr inh wă jê̆ truh; Bơsat oei gô inh.

Jop 33:18

Wă dŏng pơklaih bơhngol lu sư đơ̆ng sơlŭng jrŭ, Wă wei tơdrong arih huay kơ lôch răm kơ đao gưm.

Jop 33:28

Kră Yang dŏng pơklaih bơhngol inh huay kơ huŏng lăm sơlŭng jrŭ, Ăn kơ tơdrong arih inh chơt hiôk 'bôh hơdah.’

Jop 7:7

Apinh Kră Yang 'Bok Kei-Dei 'blŏk chăl arih inh thoi minh hơyuh kial dui jơhngơ̆m; Măt inh ưh pă đei 'bôh tơdrong pŭn hiôk bơih.

Horiso 107:18

Lu sư lăng areh dêh kơ lu tơmam sa. Lu sư năm tơ jê̆ 'măng jang tơdrong lôch.

Horiso 17:4

Gah tơdrong jang kon bơngai pơm, đơ̆ng nơ̆r 'bơ̆r Ih khan, na inh gơh klaih huay kơ kiơ̆ lu trong bơngai kơnê̆.

Horiso 30:3

Ơ Kră Yang, Ih iŏk pơklaih bơhngol inha đơ̆ng dêh atâu. Ih ăn kơ inh arih. Wă kơ inh huay kơ huŏng tơ sơlŭng jrŭ.b

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Êsai 38:10

Inh khan “'Nao minh puăt chăl arih inh. Na inh năm 'măng jang dêh atâu boih, dôm lu khei sơnăm inh oei arih pă đei boih.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

I Kor 10:10

Bơ̆n 'nĕ ơh kơ 'Bok Kei-Dei thoi lu yă 'bok bơ̆n sơ̆; lu sư ơh kơ 'Bok Kei-Dei na 'Bok Kei-Dei pơrăm lu sư, ăn linh jang 'lơ̆ng jur pơlôch.

Tơdrông Tơ'bôh 9:11

Lu sư đei yŏng pơgơ̆r kơdih, yŏng lu sư ei jĭ yang pơgơ̆r sơlŭng jrŭ, anăn sư lăm nơ̆r Hêbrơ khan Abadon; tơ̆ng kiơ̆ kơ nơ̆r Grĕk khan Apôliôn wă khan yang chă blah pơrăm đe.

I Sam 2:6

Kră Yang ăn lôch păng ăn arih; Sư tơhuŏng bơngai lăm pơlei bơngai lôch păng gô tơiung hơtŏk arih dơ̆ng.