Jop 33:16 - Sơ̆p Hlabơar Nơ̆r 'Bok Kei-Dei

¹⁶ Kră Yang pơih đon wă kơ lu sư mơ̆ng. Pơsĭt nơ̆r chrih bơtho tơhli lu sư wă kơchăng.

Jop 33:16 ပူးပေါင်းရင်းမြစ်များ

II Sam 7:27

Kơkuh kơ Ih, ơ Kră Yang Tih Hloh jơ̆ Kră Yang 'Bok Kei-Dei bơngai Isơrael, kơdih Ih 'mơ̆i đei tơ'bôh tơbăt nơ̆r 'nâu hăm đĭch đam Ih khan, Ih gô pơjing pơdơ̆ng hnam đĭch đam Ih kơjăp, na mă đĭch đam Ih âu jing pơ̆n pơyơ̆r kơ Ih dôm nơ̆r apinh 'nâu.

Ne 9:38

Mă đei thoi noh, lu nhôn pơm minh tơdrong pơkăm pơkă pơgơ̆p kơjăp sĭt, chih răk lăm sơ̆p hla bơar, lu kră pơgơ̆r, bơngai Lêwi păng 'bok soi lu nhôn gô chơ̆m tơdra pơsĭt.

Jop 33:17

Wă kơ kon bơngai weh đơ̆ng tơdrong pơm kơnê̆, păng hŭt lê̆ jơhngơ̆m juăt pơang.

Jop 36:10

Kră Yang pơih ăn đon lu sư kơtơ̆ng nơ̆r bơtho hơmet. Tơtă athei lu sư weh đơ̆ng tơdrong kơnê̆.

Jop 36:15

Mă-lei Kră Yang 'Bok Kei-Dei yua tơdrong pơmat-tat na dŏng pơklaih bơngai đei pơmat-tat. Pơih đon lu sư lăm tơdrong gleh truh.

Horiso 40:6

Ih ưh kơ wă ôh tơmam soi pơyơ̆r dah tơmam soi 'buh. Ih pơih đon inh boih. Ih ưh pă wă tơmam soh 'buh dah tơmam soi huai yoch.

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Êsai 50:5

Kră Yang Tih Hloh pơih đon inh, inh ưh pă kơchu, kư̆m ưh kơ đei kơdŭn.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Mathiơ 2:12

Lu 'bok pơjâu hnhoi sơnglŏng ei tep kơmăng apo 'bôh 'Bok Kei-Dei khan kơ lu sư khă kuă ăn wih tơ pơtao Hêrôt. Na lu sư iung wih trong nai, wih tơ pơlei lu sư kơdih.

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

Jang 16:14

Lăm lu drŏ-kăn oei mơ̆ng nhôn ei đei minh 'nu anăn sư Liđa. Sư bơngai đơ̆ng Pơlei Thiatir. Sư bơngai juăt kơ mơdro tĕch che jơk păng sư lui kơkuh kơ 'Bok Kei-Dei đơ̆ng sơ̆. Na Kră Yang 'Bok Kei-Dei tơgŭm sư lui kơ nơ̆r Pôl bơtho.

Rom 15:28

Đang inh pơjao kơ lu bơngai noh jên boih, na inh năm tơ iĕm, đơ̆ng noh na inh năm hloi tơ dêh Aspanhol.