Jop 33:13 - Sơ̆p Hlabơar Nơ̆r 'Bok Kei-Dei

¹³ Liơ ih pơjah pơjăng hăm Sư? Chrih kơ Sư khan ưh kơ tơl nơ̆r ih.

Jop 33:13 ပူးပေါင်းရင်းမြစ်များ

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Jop 10:6

Dĭng Ih mah chơchă tơdrong yoch inh, păng chă pơpơih tơdrong glăi inh.

Jop 11:7

Ih hăm kĕ hlôh băt tơdrong jrŭ hlĭch Kră Yang 'Bok Kei-Dei. Păng băt tôch hơđăl kơ Kră Yang Tih Hloh?

Jop 40:2

Lu bơngai hăm pơ̆n pơma pơjah hăm Kră Yang Tih Hloh? Bơngai bu pơ̆n pơjah hăm Kră Yang 'Bok Kei-Dei athei tơl nơ̆r noh bĕ!

Jop 9:12

Tơdah Sư tơgar pleh đơ̆ng bu, bu pơ̆n khă Sư? Bu pơ̆n khan kơ Sư, “Ih pơm kiơ thoi noh?”

Jop 9:14

Thoi noh liơ inh gơh tơl nơ̆r Sư? Inh wă gơh rơih nơ̆r ayơ tơl Sư?

Horiso 62:11

Kră Yang 'Bok Kei-Dei đei khan, thoi âu: Inh kơtơ̆ng 'bar wơ̆t tơdrong mơsêh noh Kră Yang 'Bok Kei-Dei.

Êsai 45:9

Răm-'băm dêh kơ lu bơngai pơjah pơjăng hăm Tơ'ngla pơjing sư! Minh pôm bô̆i hơdai hăm bô̆i nai 'bơ̆t teh! Teh lơ̆n hăm gơh pơma kơ bơngai man sư khan: Ih pơm kiơ noh? Dah mă tơmam pơma kơ bơngai pơm sư khan: Sư ưh kơ đei đon wă chĕp.

Êsai 46:10

Inh roi bơih tơdrong năr tuch-luch đơ̆ng blŭng-a sơ̆. Inh roi tơbăt bơih đơ̆ng chăl adrol sơ̆ dôm tơdrong mă ưh tam đei truh. Inh pơma khan: Tơdrong Inh, kơnhăm wă gô dơ̆ng kơjăp, Inh gô pơm dôm tơdrong mă Inh lăp đon.

Je 50:24

Ơ Babilôn, Inh hơ'năk boih hơđong kơ ih. Ih 'leh boih hơđong, ơ Babilôn, mă-lei ih ưh kơ băt. Đe chă wă rôp ih boih; Yua kơ ih blah Kră Yang.

Êsêkiên 22:14

Jơhngơ̆m ih hăm kơjăp, ti ih hăm pran ưh lăm năr Inh sek tơlang ih? Inh boih Kră Yang, Inh hlôi pơma boih Inh gô pơm.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Mathiơ 20:15

Tơdrong noh inh hơlăng kơ sư đĕch, ih 'nĕ pă 'nhĕng.’ ”

Jang 1:7

Yêsu khan: “Năr 'noh 'Bă Inh pơkă kơdih, Sư ưh kơ ăn iĕm băt ôh.

Jang 5:39

Mă-lei dah tơdrong sư 'noh lĕch đơ̆ng 'Bok Kei-Dei, iĕm ưh kơ layơ gơh pơrăm lu sư. Iĕm pơm kơnê̆ kơ lu sư, noh dang iĕm wă blah 'Bok Kei-Dei.”

Rom 11:34

Tơdrong noh kư̆m thoi đe chih lăm hla bơar 'Bok Kei-Dei thoi âu: “Bơ̆n kon bơngai ưh kơ băt ôh tơdrong 'Bok Kei-Dei tơchĕng thoi yơ, păng ưh kơ đei bu bơtho Sư tăm.

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.