Jop 32:22 - Sơ̆p Hlabơar Nơ̆r 'Bok Kei-Dei

²² Yua kơ inh ưh kơ băt pôk hơtŏk bu. Tơdah đei, Tơ'ngla pơjing inh pơlôch inh hloi.”

Jop 32:22 ပူးပေါင်းရင်းမြစ်များ

Jop 17:5

Bơngai ayơ kêng buăl sư wă lơi yua kơdih. Măt lu kon sư gô bơbôl.

Jop 32:21

Inh ưh kơ đei 'mêm kơ mah kah kơ hu ôh, Kŭm ưh kơ đei pôk hơtŏk bơngai ayơ.

Jop 33:1

“Ơ Jop, apinh ih mơ̆ng bĕ nơ̆r inh pơma. Pơgling đon mơ̆ng bĕ dôm nơ̆r inh pơma.

Jop 33:3

Nơ̆r inh pơma gô lĕch tơdrong tơpăt đơ̆ng lăm jơhngơ̆m. Hơkŭng inh gô pơma hăm tơdrong hlôh wao tơpăt sĭt.

Jop 4:17

‘Kon bơngai bơ̆n hăm đei bu 'lơ̆ng tơpăt 'bơ̆t anăp Kră Yang 'Bok Kei-Dei? 'Bơ̆t anăp Kră Yang Tơ'ngla pơjing hăm đei bu 'lơ̆ng rơgoh?

Tơdrông Pơđơk 28:23

Bơngai chrih kơ đe, Đơ̆ng rŏng đei đe bơnê. Hloh kơ bơngai yua hơpiĕt pơma pơhlom.

Tơdrông Pơđơk 29:5

Bơngai bu hơlĕnh pơhlom kơ rông 'bôt sư, Dăng hơnhuăl dăr kơ jơ̆ng sư kơdih.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

I Tes 2:5

Iĕm kư̆m băt mơ̆n nhôn năm tơ iĕm ki nhôn bơtho kiơ̆ tơdrong tơpăt. Nhôn năm tơ iĕm ưh kơ sĭ nhôn wă pơlung iŏk jên iĕm ôh. 'Bok Kei-Dei kư̆m băt kơ nhôn ưh kơ pơm thoi noh mơ̆n. Nhôn năm tơ iĕm wă bơtho iĕm tơdrong 'nao 'lơ̆ng Sư đĕch.